Gerhardus dei gratia Constantiensis ecclesie episcopus¹ dilectis in Christo universis .. prelatis, rectoribus et curatis in Constantiensi dyocesi constitutis, ad quos presentes || devenerint, salutem in domino Iesu Christo. Cum ad ea, que ad laudem dei et ecclesie statum laudabilem fructumque spectant animarum ac subditorum salutem, ex iniuncta nobis officii || sollicitudine pastoralis tanto affectuosius, quanto profectus uberior gregi nobis commisso pervenit, intendere teneamur, hinc est, quod in Christo predilecti nobis viri religiosi fratres ordinis Predica||torum tamquam veri filii obedientie statutis apostolicis parere cupientes fratres per eorum superiores ad officia predicationis et confessionis electos, probatos et admissos in conventibus eorum in nostra dyocesi constitutis nobis humiliter presentarint, nostrum favorem et consensum, prout apostolica clamat constitucio, discrete postulantes, nos dictos fratres, quos favore prosequimur speciali, ab eorum provincialibus sic electos et admissos nobisque presentatos acceptamus, approbamus et de gratia sedis apostolice, cuius privilegiis confessiones audiendi, penitentes absolvendi, penitentias salutares iniungendi ac sermones in clero et populo faciendi gratiose dotari dinoseuntur, nostroque beneplacito et assensu auctoritatem plenam et liberam dictos fratres habere in officiis memoratis presentibus declaramus, universis igitur vobis et singulis rectoribus, prelatis et curatis in Constantiensi dyocesi constitutis exhortando supplicamus precipientes nichilominus in virtute sancte obedientie, ne memoratos fratres manifeste vel occulte contra indulta ipsis privilegia a sede apostolica ac contra nostrum favorem, gratiam et consensum gratiosius quo potuimus eisdem inpertitum inpedire^a) vel molestare contra deum et iusticiam in tam salutaribus officiis presumatis, quin imo ipsos aput vestros subditos in suis peticionibus ac aliis piis operibus pro vestro posse efficaciter permoneatis, et cum ad vos et ad ecclesias vestras tamquam nobis dilectiores et familiariores gratia verbum dei seminandi, missas pro salute vivorum et defunctorum celebrandi et fructum in populo faciendi declinaverint, tanto benivolentius recipientes admittatis, quanto completius, quod a vobis fortassis pretermittitur, per eorum studiosum exercicium in grege vobis commisso reformatur. Concedimus nichilominus de gratia speciali, ut fratres alterius dyocesis, quorum termini infra fines nostre dyocesis sive in toto sive in parte contineri dinoscuntur, nec non fratres de aliis dyocesibus per nostram dyocesim gratia visitandi amicos transeuntes vel a superioribus suis missi in ipsa nostra dyocesi ex aliis rationabilibus motivis^b) sive causis moram facientes uti valeant gratia supradieta. Notificamus etiam vobis, quod in quibusdam litteris nostris², quarum tenor incipit: Sicut testatur beatus Ger.³, v(erbum)^c) sic inter alia ponitur, veruntamen in quibusdam locis quidam religiosi de ordinibus fratrum etc., facta est et fit mencio in spem fratrum Predicatorum inconsiderate et preter nostram intencionem omnino. Cum de ipsis penitus nullam querelam habuerimus ipsosque ad obtemperandum mandatis apostolicis ac beneplacitis nostris ac vestris profectibus experiamur cottidie intentos magis et pre ceteris prompciores, declarando etiam prohibemus districte, ne aliquis vestrum beginis, que iuxta mandatum nostrum habitum mutaverint, seu mulieribus aliis, quocumque nomine censeantur, que tunicam aut vestem laneam ad carnem portare voluerint, inpedimentum quoquomodo prestent vel ad eam exuendam compellant, cum intencionis nostre non sit neque fuerit aliquam, que huiusmodi vestem ex voto vel humilitate deferre voluerit, in huiusmodi devocione quomodolibet inpedire. Ceterum predictis fratribus Predicatoribus, quos favore speciali prosequimur et amore, partem eciam nostri oneris inponentes volumus, quod priorisse et sorores conventuales nostre civitatis et dyocesis de regula sancti Augustini ipsis a predecessoribus nostris et a nobis dudum commisse in eodem statu et habitu, in eisdem quoque consuetudinibus bonis et laudabilibus, in quibus prestitemnt hactenus proficientes ipsorum fratrum monitis salutaribus et exemplis, sub sepedictorum fratrum Predicatorum cura remaneant in posterum et perseverent, quamdiu per nostras patentes litteras dieta nostra commissio non fuerit revocata, salvo tamen iure ecclesiarum parrochialium. Insuper ut effectu pateat, quod sepe dictos fratres purissimo zelamur affectu, quamque grata sint nobis tam in dictis sororibus quam in plerisque aliis ipsorum voluntaria obsequia, affectibus studiosis eorundem vicem rependere cupientes, omnibus fratribus Predicatoribus in nostra dyocesi proponentibus verbum dei, quibus officium predicacionis ut premittitur iniunetum est vel in posterum iniungetur, ut in suis predicacionibus, ad quas per Signum campane populus sollempniter convocatur, nostra auetoritate dare possint omnibus vere penitentibus et confessis quadraginta dies indulgencie de iniuneta eis penitencia, plenam tenore presencium concedimus potestatem. Postremo volumus et mandamus universis vobis et singulis precipientes, quatenus alter vestrum altera non expectato omnia premissa per ordinem publicetis subditis vestris in cancellis, quandocumque et quocienscumque per dictos fratres fueritis requisiti, siqua eciam contra auctoritatem fratribus ipsis circa premissa concessam minus caute publicastis retractando. Ad evidenciam premissorum sygillum nostrum duximus presentibus appendendum. Dat. Constantie anno domini M°.CCC.XVIII. in vigilia ascensionis domini.

Source Fulltext: Chartularium Sangallense V, Nr. 3024, S. 335-337.