In gotes namen amen. Wir von gotes genaden abt Hiltpolt von sant Gallen¹ vnd aller der conuente gemainlich des selben gotzhus kvnden allen den, die disen || brief an sehent oder iemmer ho^erent lesen, ain gelopsami aller der dinge, so hie geschriben stant. Ir sulent alle wissen, das wir an vnsers gotzhus stat mit vnsers || gotzhus dienstmanne hern Hainrich von Scho^enenstain ritter lieplich vnd go^etlich berichtet sigen, als hie geschriben ist. Der selbe her Hainrich von Scho^enenstain hat || varn gelan in vnsers herren hant des vorgenemten abt Hiltpoldes von sant Gallen an des gotzhus stat fur sich vnd für sinv kint vnd für alle sin erben allen den schaden, den er von vnsers gotzhus wegen ie gewan mit lihend, mit verkofend, mit giselscheft oder swie er da von ze schaden komen ist, mit phantschafte oder mit kainer schlahte dinge, es sige genemt oder vngenemt, biz an disen hutigen tag, der hie nach geschriben stat. Er het sich och enzigen vnd lat och ledig aellv du phender, dv er von vnserm gotzhus hat, an disu go^eter, dv hie geschriben stant, das ist das gůt ze Sto^erenberg vnd Wo^estenberg, das gůt ze Jvssenwill(er)^a) vnd Taegrichswill(er)^a) vnd Rvti vnd Swarzenbach, Tagibrechtzwill(er)^a), Hvttenwill(er)^a), Roggocelle der kelnhof vnd die schv^ochbv^ossan, die dar in ho^erent, die fvnf schilling.^b) vnd ain phvnt geltent, vnd die zehenden,||
die in den selben hof gant, funfzehen malter, vnd das gůt ze Strodorf, das gůt ze dem Riet vnd das gůt ze dem Reginoltes vnd Brvniswille vnd Kaegenegge vnd das gůt ze Mvnchbv^och, disu go^eter aellv, dv da vor genemmet^c) sint, dv haben wir der vor genemmet abt Hiltpolt vnd aller der conuente dem selben hern Hainrich von Scho^enenstain vnd sinen erben recht vnd redlich versezzet ze ainem phande vmbe hvndert mark silbers, vnd sol er vnd sin erben der selben go^eter rechten zins niessen von rechter gabe, vnzit das er oder sin erben gewert werdent hvndert mark silbers. Wir haben och gedinget mit dem selben hern Hainrich von Scho^enenstain an siner erben stat, vnd hat er och sich des gebunden mit sinem briefe für sich vnd fur sin erben alle, ist das, das wir der vor genamt abt Hiltpolt oder vnser nachkomen im oder sinen erben funzig^d) mark silbers geben hinnan ze der naechsten sant Johans tult des toffers, so sont vns vnd dem gotzhus ledik sin funf mark geltes vs den vorgenamten go^etern, swa wir es nemen wellen, geben wir im aber danne vor sant Johans tult funfzig^e) mark silbers, so sint vns du go^eter aellu ledig. Waer och das, das wir ze male sament vmbe in lo^esen wellen, des sol er gehorsam sin. Wir der vor genamt abt Hiltpolt von sant Gallen vnd aller der conuente des selben gotzhus vergiehen aller der dinge, so hie geschriben stant, vnd haben dar vmbe geben dem vor genamten hern Hainr. von Scho^enenstain vnd sinen erben ainen brief besigelten mit vnsern insigeln ze ainem waren vnd staetem vrkvnde aller der dinge vnd dar an geschriben stant. Ich her Hainrich von Scho^enenstain der vor benemt vergich ain warhait fur mich vnd fur minv kint vnd^f) fur alle min erben aller der dinge vnd da vor geschriben stant vnd gip dar vmbe disen brief besigelten mit minem insigel, das dar an hanget. Diz beschach vnd wart dirre brief geben in vnser stat ze sant Gallen, do dv zal was von gotes geburte drvzehen hvndert iar vnd in dem nvnzehenden iar, an dem fritag ze vsgaender osterwvchhen, da die ersamen lute ze gegen waren, her Hainrich von Lupphen probst ze sant Gallen², her V^olrich von Drvchburg camerer ze sant Gallen³, her Swiger von Griffenstain custer ze sant Gallen⁴, Johans der Blarrer amman ze sant Gallen⁵, Cv^onrat der Kvchhimaister⁶, Jacob der Blarer, Cv^onrat Arnoltz, Cv^onrat von Hove, Burkart Tuggwase⁷ vnd ander erber lute genv^oge.

Source Fulltext: Chartularium Sangallense V, Nr. 3043, S. 348-349.