Allen den, die disen gegenwvrtigen brief an sehent, lesent oder ho^erent lesen, kvnden wir Hiltpolt von gotes genaden apt¹ des gotz||hvs ze sant Gallen vnd alle die herren des conventes des vor genemten gotzhvs gemainlich, das wir mit bedahtem mv^ote^a) || dvrch danknaeme dienst, die vns vnd vnserm gotzhvs tv^ont vnd getan hant vnd och noh tv^on mvgent die beschaiden frv^owen frv^o || Adelhait vnd Jvzi zw^o geswestern gehaisen Ko^ebman, geben haben frilich vnd lediclich^b) ze rehter gabe von dem garten ze hove² bi dem bomgarten an der ainen egge gegen sant Laurecien^c) kirchher³ drizehen schv^och brait vnd an der andern egge gegen Spiser thore⁴ aht schv^och brait mit der lenge dvrch den garten hin, vnd haben das getan mit aller der gevestenvnge vnd gewonhait red vnd werk fvr alle vnser nachkomen vnd fvr alle ansprachhe gaistlichs vnd weltlichs gerihtes. Vnd dar vmbe ze ainer merer vnd vester staetegvnge, das es alles vest vnd staet belibe, so geben wir apt Hiltpolt der vor gen ernte vnd die herren des vor geschriben conventes des gotzhvs ze sant Gallen disen brief besigelten mit vnsern insigeln, die dar an hanget^c). Dirre brief wart geben, do man zalt von gotes gebvrte drivzehen hvndert iar vnd in dem nivnzehenden iar, an dem samstag ze vs gsender oster wvchhen.

Source Fulltext: Chartularium Sangallense V, Nr. 3044, S. 350.