Allen, die disen brief an sehent oder horent lesen, kvnd ich her V^olr. von Wagenberg¹ || ritter vnd^a) vergihe offenlich an disem briefe, daz die erberen lute Hug, Her||man vnd Rv^od. gebrv^eder, hern Huges seligen von Landenberg² svne, den hof || ze Mvnchwile³, den sv mir versezit hatten vnd von inen min ledig pfant waz fur nvnzehen mark silbes^b), von mir reht vnd redlich vnd alleclich erlo^eset hant vnd der selber XIX mark mich gewert hant. Vnd gib inen den selben hof vnd daz selbe pfant vf mit disem briefe wider in ir hant vnd ir gewalt vnd enzihe mich alles rehtes, aller gewonheit vnd aller vorder, so ich hatte oder dekein min nahkomen haben mo^ehtin hie nach dekeinen weg ze dem selben pfant schaze oder ze dem hofe, vnd daz ich sv noch dekeinen ir erben niemer gesvnen^c) noch geirren sol mit disem hofe ze schaffenne vnd ze tv^enne, daz sv da mitte tv^on vnd schaffen wellent dekeinen weg. Vnd daz diz war vnd stete von mir belibe, dar vmb so gib ich den selben gebrv^edern, die vor genemmet sint, disen brief mit minem insigel offenlich besigelt. Der wart gegeben ze Emberrach⁴, an sant Margarethvn tage, do man zalte von gottis geburte drvzehen hvndert iar,||
dar nach in dem nvnzehenden iare, do indictio waz du ander.

Source Fulltext: Chartularium Sangallense V, Nr. 3057, S. 359.