Wir Lupolt¹ von gotz gnaden herzog ze O^ester. vnd ze Styr, herre ze Kreyen vf der Marich || vnd ze Portenowe, graf ze Habspurg vnd ze Kyburg vnd lantgraf in Obern Elsazze veriehen || vnd tv^en kvnt allen den, die disen brief ansehent oder ho^erent lesen, daz wir von der hein||liche wegen, in die wir an dez hochwirdigen herren vnsers bru^eders kv^enig Frid. von Rome², an vnser vnd vnserre bru^edere³ stat komen sint mit dem erwirdigem fvrsten apt Hilpolt apt dez gotzhus von sand Gallen⁴, gelobt haben an dez selben vnsers herren dez kv^eniges, an vnserre vnd vnserre bru^eder stat bi gv^eten triwen alz ein fu^erste, daz wir den selben herren, sin vnd sins gotzhus lvt vnd gv^et su^ellen schirmen vnd in beholfen sin ze schirmend, vnd vnser festen in offen sin in allen ieren sachen vnd no^eten, dar zv si rechtes iehent vnd rechtes gehorsam sint, gegen menlichem, wenne, wa vnd wie dicke si des bedvrfent vnd an vns vorderent, vnd su^ellen daz tv^en mit gu^eten triwen ane geuerde. Wer aber, daz got wende, daz vnser herre der kv^enig nicht were, so sin wir doch vnd vnser bru^edere dem vorgenantem herren dem apt von sand Gallen vnd sinem gotzhus gebunden der sache, die davorbescheiden sint, gegen menlichem ane alein wider daz Ro^emische riche vnd einen einweligen kvnig. Vnd dez ze eim vrkv^ende ist der brief besigelt mit vnserm insigel. Der wart gegeben ze Brugge⁵, an dem nehsten samstag nach sand Peters vnd sand Pauls tag, do man zalt von Kristes geburd drutzehenhundert jar, dar nach in dem nvntzehendem jar.

Source Fulltext: Chartularium Sangallense V, Nr. 3056, S. 358.