In dem namen vnsers herren. Allen dien, die disen brief lesent oder ho^erent lesen, kvnden wir her || Burchart der schenko von Castel¹ vnt Johans von Winvelden², das von vnser verhangnust vnt || mit vnser beider willen der Cardinal verko^vphut hat ein teil des achers, dem man sprichut in der || Swerzun^a)3, der von vns lehen ist, den die erberen vrowan von Maggeno^vwe⁴ vmb in gekophet hant vmb vunph Schilling vnt zwei pfunt Costenzer, als vil als ir wingartu, der obrunt an den selben acher stozut, vur triphut vnt begriffen hat, den teil er vns beiden uf gegeben hat, vnt hein wir in uf gegeben Beringer von Scho^enenberg⁵ ze rehtem eigen ze tragen den vorgenanden vrowan von Maggeno^vwe. Das dis ein warheit si vnt stetu belibe, des ist gezug her Fridrich der chilcher von Winvelden⁶ vnt Beringer von Scho^ennenberg vnt V^olr. V^olrichs svn des meiers von Obernberg⁷ vnt ander biderber luten genůg vnt dirru brief besigilter mit vnser beidur insigel. Dirre brief wart gegeben, do man zaltu von gottes geburte drizehen hundert jar, dar nach in dem zweinzigostem jare, an sant Mathias tage des heiligen zwelphbotten.

Source Fulltext: Chartularium Sangallense V, Nr. 3076, S. 377.