Allen, die disen brief ansehent oder ho^erent lesen, kvnden wir Hainrich der Spiser, dem man da || sprichet der Bvselinger¹, vnd^a) Snewisse der jvnge, burger von Kostentz, vnd ueriehen offenlich fur || vns vnd alle vnser erben vnd nachkomen, daz wir noch dehain vnser erbe noch nachkolimen dehain reht noch ansprach haben noch han sulen an allen den gu^etern vnd ho^efen, dv wir vmbe den ersamen man Cv^onrat Appen burger ze Kostentz reht vnd redelich ko^vffet haben, als an dem brief, der daruber geben ist², uolleclich geschriben stat, vnd daz wir nuwen des armen spitals ze sant Gallen³, mit des gůt dv selben guter ho^efe vnd alles, so dar zv geho^eret, ko^vffet vnd uergolten wrden, der selben gu^eter ho^efe vnd alles, so darzů geho^eret, getruwe trager sien, won du selben gu^eter ho^efe vnd alles, so dar zů geho^eret, rehtu aigenv gu^eter sint, dauon sv der uorgenemte spital ane trager niht gehaben moht. Vnd dez ze ainem offenne vrkvnde vnd besta^etigvnge aller der dinge, so dauor geschriben stant, so geben wir dem uorgenemten spital disen brief besigelt mit vnseren insigeln. Der wart geben ze Kostentz, do man von Cristes geburt zalt drvzehenhvndert jar vnd dar nach in dem zwaingosten^b) jar an dem na^ehsten ma^entag nach sant Ambrosien tag in dem dritten jar Romer cinsiar.

Source Fulltext: Chartularium Sangallense V, Nr. 3086, S. 384-385.