Allen den, die disen gegenwrtigen brief ansehent oder hörent lesen, kvnden wir graue Cräft vnd graue Friderich von || Toggemburg korherren ze Costenz vnd graue Diethelm von Toggemburg¹, daz wir mit dem beschaiden man Herman Fride-boltze || burger ze Schafhusen² vmb den stösse, so wir mit im hatten vmb den zehenden ze Gähtlingen³, lieplichen vnd gvtelichen || beriht sien, vnd haben darvmb von im enphangen hundert mark silbers Costenzer gewiges, der wir von im gänze-||
5 lieh gewert sien vnd die wir in vnsern nütze bekert haben, als wir veriehen offenlich mit disem brief. Wir veriehen öch^a) offenlich, daz wir den selben zehenden ze Gähtlingen reht vnd redelichen gelvhen haben dem vorgenanden Herman Fride-boltz von Schafhusen, vnd lihen im dem^b) selben zehenden offenlich mit disem brief mit den Worten vnd werken, so darzv hören sont nah gewonhait vnd nah reht.||
10 Vnd ze ainem vrkvnd der warhait vnd daz dis State belibe, so geben wir im disen brief besigelten mit vnseren insigeln. Dis geschah vnd wart dierre brief geben, do man zalt von gottes gebvrt druzehenhundert jar, darnah in dem zwainzegeten^b) jar, an dem fri-tag nah der vfvart tag vnsers herren.

Source Fulltext: Chartularium Sangallense V, Nr. 3092, S. 388-389.