Dicunt et proponunt in iure coram vobis domino magistro V^olr. thesaurario ecclesie prepositure || Thuricensis iudice ab honorabili domino .. divina permissione .. abbate monasterii sancti Georii in Nigra Silua || Const(antiensis) dyocesis iudice unico ad causam subscriptam a sede apostolica delegato subdelegato || hon(orabiles) in Christo .. abbas et conventus monasterii sancti Galli contra C. dictum Werchmeister, Petrum dictum Battanier, .. dictum Bechen, Nicolaum ministrum, Burch. dictum Hasen, Chůnonem dictum Werchmeister, Fridericum dictum Werchmeister, Ludwicum dictum Nater, Johannem filium suum, Johannem dictum Kro^ewel, magistrum Chůnr. dictum Arzat, .. dictum Bru^eier, Bercht. dictum Reitnowe, .. dictum Ho^enenberg et universitatem oppidi in Wangen, quod licet dictum oppidum pertineat iure dominii vel quasi dicto monasterio et ipsi rei .. abbatem eiusdem monasterii recognoverunt in dominum, iuramentum fidelitatis ei prestando et recipiendo eum pro domino ac serviendo ei tamquam domino, predicti tamen conventi requisiti per eum hoc facere recusant, et licet meliores eiusdem oppidi et maior pars^a) perhabitancium ibidem iure servitutis pertineant dicto monasterio, et serviciis tantum suis se alienant et subtrahunt, que hactenus facere consueverunt, veluti est premissum. Quare petunt dicti actores, quatenus ipsos conventos, ut ei iuramentum fidelitatis prestent et in dominum recognoscant nec se a serviciis suis subtrahant vel alienent, sed ei et monasterio ipsorum serviant, vestra sentencia mediante compell(atis) ecclesiasticam per censuram, hec dicunt et petunt salvo sibi iuris beneficio in omnibus addendi, minuendi, corrigendi et cetera, nec astringunt se ad probandum omnia et cetera, protestantur etiam expensas in lite faetas et faciendas sibi fore salvas. Huic libello respondendum est feria tercia proxima post oetavam beati Galli non feriata. Dat. Thur(egi) anno domini M°.CCC°.XXI°. VII°. kl. octobr. indictione quinta.

Source Fulltext: Chartularium Sangallense V, Nr. 3139, S. 420.