Allen den, die disen brief ansehent oder horent lesen, kunde ich her Johans der truhsesse von Diessen||houen¹ vnd vergihe offenlich an disem briefe, das der erwirdig herre min herre abt Hilpolt von || sant Gallen² der gelubde vnd der gnaden, die er gegen minen kinden getan hatte vmb zwentzig || march geltes an chilchan ze lihenne oder jerglich zehen phunt vsser dem houe ze Wile³ ze gebenne, mich an minen kinden gewert hat mit der chilchen ze E^attingen⁴, also das er mir noch minen kinden von der gelubde wegen niht mer gebunden ist danne zehen march geltes ze lihenne, vnd alle die wile das niht geschehen ist, so sol man vns ierglich geben vs dem houe ze Wile funf phunt Costentzerze sant Martis tult. Vnd des ze einem vrkunde so han ich disen brief besigelt mit minem insigel. Der brief ist geben ze Wintertur⁵ an sant Pantaleons tag, do von gottes geburte waren druzehenhundert jar, darnach in dem ein vnd zwenzigosten jare.

Source Fulltext: Chartularium Sangallense V, Nr. 3129, S. 409.