Wir Rud. von gottes verhengde abt vnd aller .. der conuent des gotzhus ze Vischinon vergehen offenlich || an disem briefe, das wir jerglich die zwen mut kernen, die der erber man Cůnrat der Schonower || vnsers conuentz tische geordenet hat in die wochen, so wir begangen das ampt von dem heiligen || vron lichamen, teilen suln also, das man die aht tage der selben wochen alle tage ein viertel kernen geben suln ze des conuentz tische, vnd sol nieman den herren darumbe die pfrůnde minren. Vnd des ze einem vrkunde so haben wir disen brief besigelt mit vnsren insigeln. Der brief ist geben ze Vischinonan dem fritag vor sant Sixtes tag, do von gottes geburte waren druzehenhundert jar, darnach in dem ein vnd zwentzigosten jare.

Source Fulltext: Chartularium Sangallense V, Nr. 3131, S. 411-412.