Allen den, die disen brief an sehent oder ho^erent lesen, kund vnd vergih ich || fro Adelhait von Stainah¹, daz ich daz gotzhus ze Petershusen² nit sumen || noch ierren sol an Hainrichen vnd V^olrichen gebrůdern den Mullern von || Marcholuingen³, die daz vorgenant gotzhus ze Petershusen aigenlich an ho^erent, an den diensten vnd an den rehten, die si dem gotzhus tůn sont. Vnd dez ze ainer warhait so henk ich min insigel an disen brief. Der ist geben ze Kostenz in dem jar, do man zalt von gotz geburt druzehenhundert jar vnd dar nach in dem ain vnd zwainzigden jar, an dem mantag nah sant Walpurg tag in dem mayen.

Source Fulltext: Chartularium Sangallense V, Nr. 3120, S. 404.