Wyr Hilpold von gottes gnaden apt deß gotzhuß S^tt.Gallen¹, s. Benedicten ordens in Costantzer bistumb vnd aller der conuent gemeinlich desselben gotzhauß veriechen vnd ku^enden ain^a) der nachgeschribnen dingen allen den, die disen brieff sechend lesend oder ho^eren. Wir veriechend, dz wir mit gemeinem wissen vnd gutem rath mit einmu^etigem gunst willen wissen vnd verhengunge vnd ouch dz es vnß vnd vnserem gottshauß besser gethon ist daeme^b) vermiten den stoß vnd die yrunge, den vnser vnd vnsers gotzhuß lu^ethe ze Appenzell² vnd ze Hundwilen³ haten einanderen vnb ihr vndermarch, berichtet haben mit der landlu^ethen ze Apenzell vnd zu Hundwilen aller gmeinlich willen wüssen vnd verhengunge vnd durch ihr aller bette, vnd ist die berichtung also vorfu^ehrt vnd volgange^c). Die landlüth von Apemzell^c) sollen han vnd niessen hinan hin dz gueth zu Schwartzach⁴, dz in ihr vndermarch gelegen ist, ze Wisach⁵ mit der bescheidenheit, dz alle die güter, so die landlüth von Hundwil bißhar ingehebt hand, sollen han vnd niessen, es sye zu Schwartzach ald anderswo in der march zu Appenzell, dz sy die nit verstüren sollen zu Appenzell, es sy dann, dz sy daruff seßhafft seigend, so sollend sy sturen gen Apenzell. Die landlüth von Hundwilen sollend ouch empfachen, waß sy güter hand zu Schwartzach ald anderswo in Apenzeller vndermarch, zu Apenzell von dem amman, wan sy vnd wie dick sy ledig werdend von tods wegen vnd von verkouffens wegen. Die landlüth von Appenzell sollend ouch die güter, die sy hand in Hundwiler ampt, haben vnd niessen vngefahrlich, als bißhar gewonlich gewesen ist, vnd sollen sy vom amman zu Hundwilen empfachen, wann vnd wie dick sy ledig werdend von tods wegen ald von verkouffens wegen, oder Wechsel vnbe den anfäler vnd vnb sol ouch stet sein vnd bleiben^d) von den landlüth zu Apenzell vnd ouch von den landlüthen zu Hundwil, als bißhar vngefarlich gewert vnd behalten ist. Wir vrkünden ouch in disem brieff, die vndermarck zu Appenzell deß landhs oder vndermarck zu Appenzell gat von dem Hiersperg in alpe Sole, von alpe Sole in Meglins alp, von Meglis alp in Berenthal, von Berenthal in Portersalp, von Pottersalp in den Craberg, von dem Craberg in die Wißbach^e), von der Wißbach durch die Bissun⁶ in den Himmelberg, von dem Himmelberg in den Bůchbach, von dem Buchbach in die Sitrum, von da die Rattach entspringt, biß dz sy in die Sitrum flüst vnd gat. Vnd zu einer stetter vnd gantzer warheit aller der vorgeschribnen dingen darunben so geben wir apt Hilpold davor genant disen brieff besigleten mit vnserem vnd mit vnsers capitels insigel durch bette beeder landlüth von Apenzell vnd ouch von Hundwil. Diß beschach vnd ward der brieff gegeben zu S^tt.Gallen an S^tt.Otmars abend, da man zalt von gottes geburth 1323 jar.

Source Fulltext: Chartularium Sangallense V, Nr. 3197, S. 459-460.