Alle die, die disen brief lesent oder ho^erint lesen, dien tv^on ich Go^eswi^a) || von Rebsten¹ kvnt vnd^b) virgihe offenlich an disem brief, daz ich reht || vnd redelich han verko^vft Jacob dem Hasen a dem Hardelin^c)2 vmbe vier^d) vnd || drisic Schilling Konstenzer ain halbe jůkart achars, div da lit im dem Grunt³ vnder dem alten wingarten des spitals von s(an)c(t)e Gallen, vnd habe dem selben Jacob den acher gelvhen ze aim rehten lehen im vnd allen sinen recten erben, si sient wip oder man, vnd also dich der selbe aker ledic wirt, also dich so sol man den aker emphan mit zwain ho^vnrin. Vnd daz dise rede vnd getat ganz si vnd sta^ete bilib, dez gib ich dem vorgenanten Jacob disen brief mit mime insigel gesigilt ze aim rehten vrkvnde vnd ze air festenung. Diz beschach am Hardilin in des alten spitals wingart von s(an)c(t)e Gallen, an dem zinstac vor vnsir wro^vwen dult in dem arende, do man von gottes geburt zalt drizehen hvndert jar vnd in dem vier vnd zawaigesten jar.

Source Fulltext: Chartularium Sangallense V, Nr. 3206, S. 464-465.