Wir Hiltpolt von gotes genaden apt des gotzhus von sant Gallen¹ kunden vnd ver||giehen allen den, die disen brief sehent, lesent oder ho^erent, das wir von der hainlichhen || wegen, in die wir komen sigen gen vnsers gotzhus burgern von der stat ze Wanggen², dar || vmbe so bestaeten wir^a) vnd vestenen inen aellu du recht, du sie hant an dem brief³, der besigelt ist vnder vnsers herren saeligen insigel apt Hainr.⁴ vnd des capitels ze sant Gallen, vnd dar vmbe ze ainer gantzer warhait so geben wir apt Hiltplt.^b) disen brief besigelt mit vnserm insigel. Diz beschach vnd wart dirre brief geben ze Wanggen, an dem naechsten fritag vor palmarum, do man zalt von gotes geburte druzehen hundert jar vnd dar nach in dem vierden vnd zwainzegesten jar.

Source Fulltext: Chartularium Sangallense V, Nr. 3207, S. 465.