Allen dien, die disen gegenwurtigen brief sehent oder ho^erent lesen, kund ich Kraft Sno^ede¹, dc ich ein richtung hab erwarben || mit minem genedigen herren herren Hylpolt von gottes genaden abt ze sant Gallen² vmb die sache, de ich ime sin lute hatte gevang||gen vnd^a) er mich hatte gevangen, vnd ist du richtung also erwarben, dc ich han gesworn ze den heiligen vrfecht, vnd de ich in zehen iaren || niemer wider im noch wider sinem gotzhus icht getůn sol an alle geverde, vnd dar zů ze merer sicherheit so hab ich zů mir ze tro^estern gegeben dis erwirdigen manne min gůten frunde hern Burghart vnd hern Růdolf von Ramswag³, hern Chůnrat den Schenken⁴, hern Johans vnd hern Amer von Luterber^b)5 alle ritter vnd R. den iungen Giel von Glatburg⁶, vnd hant die dur min bette alle gen ir truwe ein eides wis, beschehe dc, da vor got sie, dc ich mines eides vergese vnd tete wider dem vorgenanden herren vnd sinem gotzhus anders denne ich gelopt han, so sont su min offenne fient sin, vnd swo su nach mir gesteilen mugent, swo ich in denne werden mag, do sont su mich antworten gevangen dem egenanden herren von sant Gallen, vnd dc^c) dis war sie vnd stet belibe, so gib ich der vor genande Kraft Sno^ede dem egenanden erwirdigen herren von sant Gallen vnd sinem gotzhus disen brief besigelt offenlich mit minem ingesigel, vnd bitte o^vch die vorgenanden erwirdigen manne min burgen vnd min frunde, ds su ir ingesigel henken an disen brief ze merer gelo^vbsami dirre vor geschribener dingen. Wir die vorgenanden her Burghart vnd her Růdolf von Ramswag, her Chůnrat der Schenke, her Johans vnd her Amer von Luterb(er)g^d) vnd R. der iung Giel von Glatburg kunden vnd veriehen an disem briefe, dc wir wussen, dc alles dc war ist, dc hie vor geschriben stat, vnd des ze besserem vrkund so henken wir alle vnser ingesigel an disen brief dur bette des vorgenanden Kraft Sno^eden vnd vmb die warheit, dc wir wussen, dc dis alles beschehen ist. Dis beschach vnd wart dirre brief gegeben da ze sant Gallen, do man zalte von gottes geburte druzehenhundert jar vnd dar nach in dem viervndzweinzigesten jare^e) an sant Agten tage.

Source Fulltext: Chartularium Sangallense V, Nr. 3202, S. 461-462.