Universis presentium inspectoribus Krafto de Toggemburg prepositus ecclesie Thuricensis, Fridricus et Diethelmus fratres || comites domini de Toggemburg¹ noticiam subscriptorum. Noverint universi tam posteri quam presentes, quod nos in aug||mentum divini cultus, qui in monasterio Ruti² ordinis Premonstratensis Constanciensis dyocesis ex devocione, frequencia ac || labore fratrum ibidem deo instanter famulancium domino disponente iam floret, aecrescendo, necnon in remedium animarum parentum nostrorum ac propriam salutem honorabilibus viris dominis Hessoni abbati³ totique conventui predicti monasterii in Ruti indulsimus et concessimus et presentibus concedimus et indulgemus, ut omnes decimas laicales ecclesie in Eschibach⁴, cuius iuspatronatus ex largicione nostra eisdem abbati et conventui dinoscitur pertinere, ab antiquo dicte ecclesie pertinentes a vasallis seu feodatariis nostris, qui easdem decimas in feodum a nobis habuerunt communiter vel divisim, per modum empcionis seu recepcionis intuitu elemosine seu alio modo quocumque dictas decimas recolligant ac ipsas teneant ac perpetuo possideant pleno iure pacifice et quiete, ac si ipsas decimas de manibus nostris cum omni securitate recepissent, renunciantes pro nobis nostrisque heredibus et successoribus universis omni iuri, quod nobis in eisdem decimis competiit vel competere potuit quoquo modo, promittentes nichilominus bona fide, omnia prescripta firma et rata habere et non contra facere vel venire per nos nec per alios quovis ingenio de iure vel de facto. In cuius rei evidentiam et robur perpetuum presentes litteras eisdem .. abbati et conventui ac ipsorum monasterio tradidimus sigillis nostris patenter communitas. Act. et dat. Thuregi anno domini millesimo CCC°XXIIII°.

Source Fulltext: Chartularium Sangallense V, Nr. 3203, S. 462-463.