Ich herr Burkart von Ramswag¹ ritter tůn kunt vnd^a) vergih offenlich an disem brief fur mich || vnd fur alle min erben allen dien, die disen gegenwirtigen brief sehent, lesent oder horrent lesen, || das ich dem ersamen man Eglolfen dem Blarrer burger ze sant Gallen han ze ko^vfen gen reht vnd redlich || den zehenden ze Blakenbach² mit allem reht fur reht lehen von dem gotzhus ze sant Gallen vnd fur vnansprsechigen, vnd das ich des gůtes von im gewerat bin. Ich vergih o^vch, das ich dem vorgenanten Eglolf den vorgescriben zehenden gevertgat han von minem herren abt Hiltpolt von sant Gallen, vnd das ich sin wer sol sin fur mich vnd fur alle min erben vnd fur Elsun Eberlins saugen Schnezers von Blattun³ elich wirten vnd fur aller manlich nah reht vnd als er sin notdurftig ist. Vnd das dis alles war sig vnd stat belib, darvmb gib ich der vorgenant herr Burkart von Ramswag dem vorgesprochen Eglolf disen brief mit minen insigel besigelt zv^o aeinem staten vnd waren vrkund aller der vorgescriben ding. Dis geschah vnd wart dirre brief geben ze sant Gallen, do man zalt von gottes geburt druzehenhundert iar, dar nah in dem viervndzwanzgosten jar, an der ha^elgan tag Marci vnd Marcelliani nah mittem ho^ewet^b).

Source Fulltext: Chartularium Sangallense V, Nr. 3213, S. 470.