Allen dien, die disen gegenwirtigen brief sehent, lesent oder ho^errent lesen, kund ich Eglolf || der Blarrer burger ze sant Gallen vnd vergih offenlich an disem brief fur mich vnd || fur alle min erben, das der zehend ze Bla^ekenbach¹ min reht lehen ist von dem gotzhus ze sant || Gallen vnd das ich den selben zehenden geluhen han minen vrowan in der samnung in der vorstat ze sant Gallen² iemerme vmb aenen genanten zins ie zv^o dem jar vmb aen hůn ze sant Johans tult ze geben. Ich vergih o^vch, wa^er das, das der vorgenant conuent den vorgescriben zehenden versezzen oder verko^vfen weltin dur nôt oder dur ir nutz willen, das ich su dar an niht ierren sol mit deha^enen dingen vnd ich su dar zů furderren sol ân alle gevaerd. Vnd ze aenem waren vnd sta^ete vrkund aller der vorgescriben ding gib ich der vorgenant Eglolf dem conuent disen brief mit minem insigel besigelt. Dis geschah vnd wart dise brief geben ze sant Gallen, do man zalt von gottes geburt druzehenhundert jar, darnah in dem viervndzwainzgosten jar, an sant Johans abent nah mittem ho^ewet^a).

Source Fulltext: Chartularium Sangallense V, Nr. 3214, S. 470-471.