Wir her Hartman von Baldegge¹, her Růdolf von Ramswag², her Eberhart von Eppenstain³, her Johans von Münch||wile^a)4 ritter vnd ich Andreas von Willeberg⁵ vergiehen vnd kunden allen den, die disen brief sehent lesent oder ho^erent, || das wir durch got vnd durch vnser sele hail vnd durch gůten vnd willegen gunst, den wir haben ze dem || gotzhus vnd dem closter ze Taennikon⁶, du go^eter ze O^etthenhusen⁷, du Hiltpoltz, Walthers, Eglins von Bychhelnse⁸ warent, du vnser recht lehen sint von vnserm genaedigem herren von gotz genaden apt Hiltpoltz apt des gotzhus von sant Gallen⁹ vnd och von dem selben gotzhus, vnd wir sie da von ime enphangen haben ze rechtem lehen, du selben go^eter ze O^etthenhusen lihen wir vnd haben gelihen mit disem brief.. der aeptissen vnd .. dem conuente zeTaennikonze ainem staeten iaerlichen zinslehen fur vns vnd fur alle vnser nachkomen, das du aeptissen vnd der conuente ze Taennikon vnser ieglichem iaerlich geben sulen zwai ho^enerer ze sant Gallen dult ze herbst. Vnd das diz war sige vnd staete belibe, dar vmbe, so geben wir die vor genemten her Hartman von Baldegge, her Růd. von Ramswag, her Eber.^b) von Eppenstain, her Johans von Munchwile^a) ritter, Andres von Willeburg^c) disen brief besigelten mit vnsern insigeln. Diz beschach vnd wart dirre brief geben an sant Benedicten tag, do man zalt von gotz geburte druzehen hundert jar, dar nach in dem funften vnd zwainzegosten jar.

Source Fulltext: Chartularium Sangallense V, Nr. 3236, S. 482-483.