Dilecto filio Johanni de Roscach^a)1 canonico Curiensi salutem^b). Tue^c) merita probitatis, super quibus laudabili testimonio commendaris, exposcunt, ut ad personam tuam apostolice provisionis dexteram extendamus. Horum igitur consideratione volentes tibi gratiam facere specialem, canonicatum ecclesie Curiensis cum plenitudine iuris canonici etc., ut in tercia superiori usque districtius inhibentes venerabili fratri nostro .. episcopo et dilectis filiis capitulo Curien(si) seu illi vel illis etc., ut in eadem usque seu prebendas^d) inibi expectantibus te in assecutione dicte prebende volumus anteferri^e) etc. usque preiudicium generari, seu si eisdem episcopo et capitulo vel quibusvis etc. usque mentio specialis, sive quod canonicatum et prebendam in ecclesia sancti Magni² Constanciensis diocesis nosceris obtinere, seu si presens non fueris ad prestandum de observandis statutis et consuetudinibus eiusdem ecclesie Curiensis solitum iuramentum, dummodo in absentia tua per procuratorem ydoneum et cum ad ecclesiam ipsam accesseris corporaliter illud prestes, nulli etc. nostre collocationis provisionis reservationis inhibitionis et constitutionis infringere. Dat. Auinione VIIII. kl.^f) februar. anno nono.||
In eundem modum dilectis filiis .. sancti Galli³ et .. de Augia Maiori⁴ Constanciensis diocesis monasteriorum abbatibus ac magistro Armando de Narcesio decano ecclesie sancti Stephani de Tescon(e) Montisalban⁵. capellano nostro salutem. Merita probitatis dilecti filii Johannis etc. usque illud prestet. Quocirca mandamus, quatenus vos vel duo^g) etc., ut in tercia superiori. Executoria usque in dicta ecclesia Curiensi recipi facientes in canonicum etc. usque non obstantibus omnibus supradictis seu si eisdem episcopo et capitulo vel quibusvis aliis etc. usque^h) contradictores auctoritate nostra etc. Dat.ⁱ⁾ ut supra.

Source Fulltext: Chartularium Sangallense V, Nr. 3228, S. 477-478.