Allen den, die disen gegenwurtigen brief sehent alder ho^erent lesen, kunde ich V^olrich vnder Schophe || der stat amman ze Costentz¹, daz der êrwirdig herre her Albreht von Casteln korherre ze dem || tůme ze Costentz fur mich kam vnd versatzt mit siner hant Dietrichen vnd Walthern gebrů||dern von Altstetten den hof ze Matzingen vnd den Bu^elhof vmb sehzek mark silbers lo^etiges Costenzer gewa^eges, vnd veriach o^vch des, daz die selben zwen ho^eue sin phande wa^erint von dem êrwirdigen herren .. apt Hyltbolten von sant Gallen vnd daz er o^vch dar vmbe dez selben apt Hiltboltes offen brief vnd insigel inne hetti. Vnd dez zainer vrkunde der warhait gibe ich der vorgenante .. amman min insigel an disen brief. Dis beschach ze Costentz, da ze gegen waren her Diethelm von Stainnegge tůmprobst ze Costentz², Růdolf der elter Ruhe, Cůnrat in der Bund, Johans Spůl, Hug der Swartz, V^olrich von Hof, Hainrich der Keller, Willehelm von Hof, Hainr. der Linde, Rîpe der Tubinger vnd ander erber lute vil, die dis horten vnd sahen vollefu^ern. Vnd ist dierre brief geben, do man von Cristes geburte zalte druzehenhvndert jar, dar nach in dem sehs vnd zwainzegosten jar, an der nehsten mitchvn nach inga^entem mertzen.

Source Fulltext: Chartularium Sangallense V, Nr. 3279, S. 512-513.