Allen dien, die disen brief ansehent, lesent oder ho^erent lesen, kund vnd vergih ich Hainrich der Ome¹, das || ich gesworn hab ainen gelerten ait ze dien hailigen, das ich die burg ze Valkenstain² antwurten sol || minem erwirdigen herren abt Hiltpolt von sant Gallen³ oder sinen nahkomen, swen sie es ze des gotz||hus no^eten bedurfent, also das es mir nut schad sie an minem burglehen. Ich vergih o^uch, das ich an der selben burg vnd an dien drisseg pfunden pfenning geltes, die mir dar zů ze burglehen geben sint, kain reht hab noh haben sol wan ze lipgeding, vnd swen ich nut bin, so sol es wider vallen an das vorgenemt gotzhus. Vnd das dis alles war sie vnd stet belibe, so henk ich min aigen insigel an disen brief. Der wart geben ze sant Gallen an der nehsten mitken nah sant Gerdrug^a) tag in dem iar, do man zalt von gottes geburt druzehen hundert vnd sehs vnd zwainzig iar.

Source Fulltext: Chartularium Sangallense V, Nr. 3281, S. 513.