Allen dien, die disen gegenwurtigen brief ansehent lesent oder lesen^a), kundent wir Hiltpolt von gottes genaden abt¹ des gotzhus ze sant || Gallen vnd der conuent gemainlich des selben gotzhus, das wir mit gemainem willen vnd mit guter betrahtung, wan es vnserm gotzhus || besser getan was denne vermitten, gelihen haben Hainrichen vnd Johansen von Meldegge² gebrůdern vnd iro erben ze cinslehen den akker || ze Bernang³, der da haisset an dem Juch⁴, mit dem gedinge, das si oder ir erben ia^erlich von dem selben akker geben vier Schilling pfenning ze cinse ze sant Gallen tult in die widme ze Bernang, wan er o^vch dar in ho^eret, vnd was zehenden von dem selbun akker wirdet, der sul ho^eren an vnser kilchen ze Bernang iemermere. Vnd das dis war sie vnd stet belibe, dar vmb geben wir die vorgenemten H. vnd Joh. von Meldeg disen brief besigelt mit vnsern insigeln. Dat. et act. apud sanctum Gallum anno domini M°CCC°XXVI°, in vigilia Walpurgis.

Source Fulltext: Chartularium Sangallense V, Nr. 3285, S. 516.