Allen^a) den, die disen brief gesenhent oder geho^erent lesen, tv^on wir Bernhart Hag der schvlth(eis), Joh. Schappel der bvrgermaister vnd .. die rihter || gemainlich ze Rotwil¹ kvnt, das vor vns stv^ondent offenlich ze Rotwil vor geriht Hainr. Frost vnd vro Anne sin elichv wirtinne .. des von Wiler² || tohter vnser bvrger vnd verkoftant vnd veriahent, daz siv reht vnd redelich zekoffenne gegeben hettint Hainr. Flissing dem jvngen vnserm burger || iren halbtail des zenhenden ze Wurmelingen³, der da haiset der porte zenhende⁴, vmb svbenzig phvnde vnd vmb zwai phvnt phenninge gůtter haller, im vnd sinen erben ze habenne vnd ze niessenne ze besetzzenne vnd ze entzetzzenne lideclich vnd laere vnd aigenlich mit allen rehten vnd nvtzen, als siv den selben halbtail des zenhen mit siner zv^o geho^erde daher gehebt vnd genossen hant, vnd vur lidig vnd laere vnd fivr ain reht zinzlehen, vnd gat von dem selben halbtail des vorgeschribenn zenhenden jaergelich ze zinse ain seheffel kernen vnd roggen dem porten ampte ze sant Gallen⁴, vnd veriahent vor vns, daz siv der sibentzig phvnde vnd der zwaiger phvnde phenninge gv^otter haller von dem selben Hainr. Flissinge gewert waerint gar vnd gsentzlich vnd in iren nvtz komem^b) waerint, vnd daz siv an dem selben kof nit betrogen waerint vber halb noch mit dehainer gevaerde, vnd hant gelobt vor vns bi gůten truwen vur sich vnd vur ir erben, dem selben Hainr. Flissing vnd sinen erben des vorgeschribenen halbtailes des zenhenden mit siner zv^ogeho^erd wer zesinne vur lidig vnd fur laere vnd vur ain reht zinzlehen vnd gegen allermaenglich, als ze Rotwil reht ist vnd als vor geschriben stat, vnd daz siv noch ir erben in noch sin erben hiervmbe niemer an gesprechen, daran geschadgen noch gemv^egen mit gaischlichem noch mit weltlichem geriht noch ane geriht sus noch so, vnd hant sich darumme verzigen alles vurzoges rehtes vnd schirmes gaischliches vnd weltliches gerihtes, aller rihter vnd brieue, damit siv oder ir erben dise gegenwaertig hantvesti widertriben mo^ehtint oder dehain ding widerwerfen, daz hie vor oder hie nach geschriben stat. Es veriahent och vor vns die vorgenant vro Anne des vorgeschribenne Hainr. elichv wirtenne vnd V^olr. Frost sin brv^oder, daz dirre koffe mit ir beder willen vnd gunst geschenhen waer, vnd hant den selben halbtail des vorgeschribenn zenhenden mit siner zv^o geho^erde vffe gegeben, als ze Rotwil reht vnd sitlich vnd gewonlich ist. Vnd das dis wa^vr sie vnd staet belibe, darumme so hant wir durch des vorgenanten Hainr. Frostes vnd vron Annen siner elicher Wirtinnen vnser burger bette vnd willen vnserre stette ingesigel von Rotwil an disen brief gehenket ze ainer vrkvnde. Der brief ist gegeben ze Rotwil an dem fritag vor vnser vro wen geburtlichen tage, do man zalte von gottes geburt drvzenhenhvndert jar vnd zwainzig jare in dem sehsten jare.

Source Fulltext: Chartularium Sangallense V, Nr. 3295, S. 522-523.