Wir grafe Kraft von Toggenbvrg probst der kilchen ze Zv´rich¹ kv´nden allen, die disen brief sehent oder ho^erent || lesen, daz wir globt han mit gůten trúwen vnd offenlich dar nach zen heiligen gesworn . . dem rate vnd . . den burgern || ze Zv´rich gemeinlich zir stette wegen, daz wir ir bvrger sin sv´ln vntz vf vnsern tot, vnd sv´ln in o^vch mit libe vnd || mit vnsern lúten vnd vestinen vngevarlich behulfen sin, swa sis bedvrfen, vnd sv´ln in o^vch mit allen dingen gebvnden sin als ander iro burgere ane allein vmb stv´re, daz wir die nit mit in geben sv´ln vnd daz o^vch wir vmbe gelt vor ir gerichten nieman ze rechte sv´ln stan, wan si vns mit der friheit ze burger habent enpfangen. Vnd hier v´ber ze einem waren vnd vesten vrkv´nde so han wir disen brief mit vnserem insigel besigelt offenlich. Diz geschach ze Zv´rich an sant Gallen tage, do man zalte von gottes geburt drúcehen hundert jar vnd dar nach in dem sibenden vnd zwenzigosten jare.

Source Fulltext: Chartularium Sangallense VI, Nr. 3328, S. 22.