Allen den, die disen brieff an sehent lesint oder ho^erent lesin, kv´nde ich Albrecht von Haidelberg¹, das ich Herdiegen den marschalk von Blidegge² minen vetren nútz ierren noch sumen sol an der lehenschaft, dú da haisset in dem Aspah^a)3, die er mir gevertegot hat von dem gotteshus ze sant Gallen, von dem ez lehen ist, swenn er mich oder min erben ermanot mit sehs pfunden gůter Costenzer, die ich im dar vmb gegeben han. Vnd zainer sta^eten warhait so henck ich min insigel an disen brief. Der wart geben, do man zalte von gottes gebúrte drúzehen hundert jar in dem siben vnd zwainzigosten jar, an dem fritag vor sant Michels tag.

Source Fulltext: Chartularium Sangallense VI, Nr. 3327, S. 21.