Allen^a) dien, die disen brief sehent alder ho^erent lesen, kúnde ich Johans der wîrt¹ ze Vˆtzna² vnd || vôgt ze Vegschwile³, daz die erbern gaistlichen lúte der . . abt vnd der conuent dez gotzhusez ze || Rúti⁴ dez ordens von Premonstrey daz gu^etli vnd die hofstat dar vf, daz da haisset uf Wolfprechtz || Gubel⁵ vnd in miner vogtaie ze Vegschwile gelegen ist vnd ainen pfenning vnd o^vch aine^b) hůn ze vôgtstúre giltet in die selben vogtaie, dem gaistlichen manne brůder Hainrich in Hônegge⁶ vnd allen sinen nachomen, die vf dem selben gu^etlin got in gaistlichem schin dienont sint vnd erber leben fu^erent, gegeben hant dur got ze rechtem aigen mit minem willen vnd gunst, den ich dur got dar zů gegeben han, ez ze bûwenne vnd ze niessenne, alse ez in komelich ist. Were aber daz, daz die gaistlichen lúte, die vf dem vorgenanden gu^etlin sitzent, vngotlich oder vˆnerber leben fůrtin oder daz da nieman gaistlicher dar vf sitzent were, alse da vor geschriben ist, so sol daz selbe gu^etli vnd dv´ hofstat dar vf den vorgenanden gaistlichen lúten . . dem abt vnd dem conuent dez gotzhûsez ze Rúti alleklich vnd aigenlich ledig sin. Diz beschach vnd dirre brief wârt gegeben, do man zalt von gotez gebúrt drúzehenhûndert jâr, dar nach in dem acht vnd zwaintzigostem jâr, an dem ersten dunstag nach sant Bartholomeus tâg. Vnd daz diz stête belibe vnd ane kranch, so gibe ich dem vorgenanden gaistlichen^c) manne brůder H. in Honegge disen gegew|rtigen brief besigelt offenlich mit minen^b) ingesigel.

Source Fulltext: Chartularium Sangallense VI, Nr. 3363, S. 45.