Allen dien, die disen brief ansehent lesent oder ho^erent lesen, kúnd ich Eglolf der Blarrer burger ze sant Gallen¹ || vnd vergih offenlich an disem brieue fur mich vnd fur alle min erben, das gůt, das min reht lehen ist von dem gotzhus || ze Kostentz vnd haisset Vriwîlle², das Hainrices Kofmans was, swes er mich ald min erben darvmb bittet ald haisset, das sol || ich tůn ân furzug, wa^er aber, das er mich nút damitte hiessi tůn, so sol es siner můter reht lipding sin, die wil si lebt^a), vnd dannan hin iemerme des spitals ze sant Gallen³ vnd der armen an dem veld ze sant Gallen⁴ gemainlich. Vnd ze ainem^b) waren vrkúnd vnd ze ainer sta^etun sicherhait der selben dinge henk ich min insigel an disen brief. Dirre brief wart geben, do man zalt von gottes geburt drúzehenhundert jâr vnd zwainzig jâr, darnah in dem ahtoden jâr, an dem naihsten maindag vor sant Margretun tag.

Source Fulltext: Chartularium Sangallense VI, Nr. 3361, S. 44.