Wir graue Kraft von Toggenburg¹ tu^egen kunt allen dien, die disen brief sehent alder ho^erent lesen, daz Johans der Schnider wirt vnd || v´nser burger ze Vtzna vúr v´ns^a) kam vnd veriach, daz Hainrich der Biber von Goldelingen gegeben hât mit sinem gunst vnd willen den gaistli||chen lúten dem . . abt vnd dem conuent dez gotzhuses^b) ze Rúti den zehenden, der da lît uf Orn vnd zwai stuk kornez giltet, der von im lehen || ist, dur siner sele hail willen vnd siner vorder, vnd daz der selbe Johans den selben zehenden gelihen hât H. Sigelinz seligen sun vnd Rv^o. dem Lêman von Verrich der vorgenanten gaistlicher lúten aigenen mannen, vnd daz^c) er sich dar zů gebunden hât vnd alle sin nachkomen ane alle geverde, den vorgeschribenen zehenden ane alle widerrede vnd vúrzuk zelihenne dien, die sú vúr in bringent in ze empfahenne, also, so ir ainer stirbet, die den zehenden vor gehebt hant, so sol er alder sin nachkomen, ob er nit enist, in aim andern lihen an dez stat, were aber, daz sú baide sturben, so s|ln sú in lihen zwain andren an der stat, die sú vúr sú bringent den selben zehenden ze empfahenne. Swenne aber ainr alder baide den zehenden von im alder von sinen nachkomen empfahent, so súln sú in geben ain halbez pfunt pfefferz, vnd ensol er noch enhain sin nachkome enkain vordrunge noch ansprach offenlich noch hainlich an gaistlichem noch an weltlichem gerichte vúrbaz an sú han. Vnd daz diz stêt belibe vnd ane krank, so geben wir den vorgeschribenen gaistlichen lúten dem . . abt vnd dem conuent nach dez vorgenanten Johansez bette disen brief besigelt offenlich mit v´nserm insigel. Diz beschach vnd dirre brief wart gegeben^d) ze Zúrich in der stat, do von gotez gebúrte waren drúzehen hundert jâr, dar nach in dem acht vnd zwainzigostem jâre.

Source Fulltext: Chartularium Sangallense VI, Nr. 3354, S. 41.