Wir graf Hvg von Werdenberg¹ kv´nden vnd vergehen allen den, die disen brief ansehent ald ho^errend lesen, das wir wil||clich vnd gern vf geben haind dem gv^oten herren sant Petir an die kilchen ze Lvstenowe² alle die ansprach vnd allv´ dv´ || reht, so wir hatton an dien wisan in Dikenowe³, di^e da genemt sint sant Petirz wisa vnd rehtv´ gemaind waren v´serz hofz || ze Lvstenowe. Vnd haben sv´ geben mit so^ellicher gedig^a), das ain lv´priester ze Lvstenowe vnd zwen oder drie der vndertan, di^e oh den phlegend des andern gv^ozt^b), so dv´ vor genemt kilch het, sv´ bezecen vnd enzesen^b) sont nieman ze lieb noh ze laid, won swie sv´ dvncht vf ir trv´we vnd warhaid, das sv´ dem selben gozthvs^b) aller nvzlichest sient bezetz. Wir wen och, swer kilchher ze Lvstenowe sie ald iemer werde, das der mit dien selben wi^esan nv´zenet ze schafen sol han. Vnd swas iemerme nvtz von i^enen comen mag, den sol man nah der ander vndertan rat gemainlich an legen, swa sin dv´ vorgeschriben kilch aller notv´rftigost ist. Wir verdingen oh des alle vnser erben vnd nahcomen, das ir enkaine^c) niemer nvtz noh dienst mv^otan geran noh nemen sol von dien vor geschriben wisan. Dir brief ward geben, do man zalt von gotes gebv´rt tvsend iar vnd drv´zehenhvndert iar, dar nah in dem aht vnd zwainzgosten iar, in der na^ehsten wchen nah aller hailigon tvlt. Ze ainem geweren vrkv´nd vnd ainer gancer sicherhait haben wir v´nser insigel⁴ gehenket an disen brief, das dis alles stet belib vnd sicher sie, das hie geschriben ist.

Source Fulltext: Chartularium Sangallense VI, Nr. 3369, S. 48.