Wir graff Krafft von Toggenburg chorherre des bistůms ze Costentz vnd probst des tůms Zúrich¹ tůnd kunt allen den, die disen brieff sehent oder ho^errent lesen, das Wetzel der Lo^ebeler v´nser burger vnd schulthess ze Vtznach² fúr v´ns kam vnd veriach, das er hett gegeben recht vnd redlich in einem rechten kouff den erbern geistlichen lúten dem abt vnd dem conuent des gotzhus ze Rúti³ des ordens von Premonstrey ein gu^etli ze Eschibach⁴ fúr ledig eigen vnd buwte Heinrich der Spilman von Eschibach vmb fúnf schilling vnd siben pfund pfenning, der er alleklich gewert ist. Vnd das dis hernach sta^et belib vnd ane krank, so geben wir den vorgenanten geistlichen lúten dem apt vnd dem conuent ze der bette des vorgenanten Wetzels des Lo^ebelers disen brieff besigelt offenlich mit v´nserm insigel. Dis geschach ze Vtznach in der statt, do von gottes gebúrt waren MCCCXXVIII jare, an dem nechsten mentag nach sant Martis tage, do ze gegen waren dis nachgeschriben gezúgen Růdolff der Bollinger, Joh. der wirt⁵ von Vtznang, Růdolff der Ruhe, H. der Scherer, brůder Joh. der Schmid vnd ander erber lút gnůg.

Source Fulltext: Chartularium Sangallense VI, Nr. 3370, S. 48-49.