. . Officialis curie Constantiensis omnibus presentes litteras inspecturis subscriptorum noticiam cum salute. Noverint || universi et singuli, quos nosse fuerit oportunum, quod constitutus coram nobis in figura iudicii proxima feria || tertia post festum purificationis beate Marie virginis Růd. dictus Salatti de Salmsa¹ titulo proprietatis perti||nens ecclesie sancti Stephani Constantiensis² sanus mente et corpore confitebatur in iure se recepisse ab honor(abili) in Christo . . preposito et . . capitulo eiusdem ecclesie sancti Stephani quatuor lib(ras)^a) denariorum monete Constantiensis in pecunia numerata^b) seque dictos denarios integraliter in usus suos utiles ac necessarios convertisse ac ob id resignasse possessiones suas universas sitas in banno Salmsa, et insuper easdem coram nobis eciam in iure libere et sponte ac premeditate resignavit predictis preposito et capitulo ac ecclesie sancti Stephani per manus dilecti in Christo Růd. rectoris ecclesie in Salmsa procuratoris prepositi capituli et ecclesie sancti Stephani predictorum generalis, tribuens eis omne ius sibi competens possessionibus in eisdem^c), renunciando omni iuri sibi in ipsis possessionibus competenti necnon excepcioni doli mali, excepcioni decepcionis ultra dimidiam iusti precii, pecunie non numerate^b) tradite nec solute omnibusque aliis suffragiis, quibus mediantibus ea, que prescripta sunt, in toto vel in parte viciari possent vel quomodolibet annullari, adhibitis in omnibus et singulis supradictis verborum et gestuum sollempnitatibus debitis et consuetis. In quorum evidenciam ad ipsius resignantis peticionem sigillum curie nostre presentibus duximus appendendum. Act. et dat. Constantie anno domini M°.CCC°. tricesimo primo, dicto die, ind. XIIII^a.

Source Fulltext: Chartularium Sangallense VI, Nr. 3450, S. 111.