Wir Růdolff von gottes verhenngde apt vnd aller der conuent des gotzhuß ze Vischinen¹ sant Benedicten ordens vnd her Eberhart rytter von Eppenstain² Costentzer bistumbs kúnden offennlich allen den, die disen brieff an sehent lesen oder ho^erent lesen, dz v´nnser aigen vnd gemainer man Hainrich der Rise burger ze Wyl³ vnd Hainrich der Kupfferschmid burger ze Frowenueld⁴ mit ainberem ainhelligem ratt bedauchteklich vnd willenclich den gaistlichen frowen der a^eptissin vnd dem conuent ze Maggenow⁵ recht vnd redlich mit v´nnser wyssend fúrdrunng hannd vnd willen ze kouffent hannd geben fúr recht aigen die gu^etter, die sy gemain hatten mit ain andern, die hie nach geschriben sta^vnnd, den hof ze Dingenhart⁶, dem man sprichet des Crútzlingers hof, vnd wz dar zů ho^eret, die schůppis ze Dingenhart, der man sprichet Crútzlinger schůppis, vnd was dar zů ho^eret, die an dem wingarten litt, vnd den wingarten, der ze Dingenhart gelegen ist, dem man o^vch sprichet Crútzlingers wingarten, vnd was zů disen gu^ettern ho^eret von recht ald von gewonhait, vmb C vnd XX lib. d. Costentzer múntz, der sy von in gewert is sind vnd die sy hannd bekeret in ir offembaren nutz, vnd hannd ouch in die vorgenemten gu^etter geuertgott fúr aigen mit allen den worten vnd werken, so dar zů nottúrfftig ist von gewonhait ald von recht, vnd sond ouch der vorgenemten gu^etter fúr aigen nach recht ir weren sin, vnd wa^er ouch, dz die vorgenemten frowen von Maggenowe dehain gepresten gewunnen an den vorgenemten gu^ettern, den sy in ablegen so^eltent, als da vorgeschriben ist, vnd si dz an sy vordrettint mit ir potten ald mit ir brieffen, vnd ta^etten si des nit ald ir erben, so entzichent si sich alles des rechten, da mit si sich geschirmen mo^echtint an gaistlichem ald an weltlichem gerichte. Vnd dar vmb dz dis wa^vr sye vnd sta^ett belib, dz hie vorgeschriben sta^vtt, so henngcken wir die vorgenemten apt Růdolff vnd der conuent ze Vischinen vnd her Eberhart von Eppenstain v´nnsere insigele an disen brieff. Dis beschach vnd ward dirre brieff geben ze der Lo^vben⁷ an dem lanndt tag nach der gepurt Cristi M°CCC° vnd im XXXII ja^vre an v´nnser frowen a^vbenndt ze dem a^ernd.

Source Fulltext: Chartularium Sangallense VI, Nr. 3486, S. 136.