Wir her V^olrich von Clingen lantrihter inTurgowe¹ tu^en kunt allen den, die disen brief ansehehent^a) oder horent lesen, vnd || vergehen an disem briefe, das fúr v´ns kamen fúr gerihte an den lantag ze der Lo^vben an vnser vrowen abende ze dem ernde || die erwirdigen lúte in gotte swester Amaly von Horwen abtischin des couentz vnd . . des gotzhus ze Maggenowe² in || Costentzer bistůme an des selben conuentz stat einunt vnd Heinr. der Rise burger ze Wile vnd Heinr. der Kupphersmit burger ze Vrowenuelt anderunt, vnd wan die vorgenanden Heinrich der Rise vnd Heinrich der Kupherschmit dem vorgeschribenen conuent vnd . . dem gotzhuse ze Maggenowe ze ko^vffenne hatten geben dv´ gu^eter, dv´ hienach geschriben stant, dv´ ir ledig eig[en]^b) waren, vmb zwentzig vnd hundert phunt pheninge Costentzer múntze, der sv´ von inen gewert sint, als sv´ ver[ia]hen^b) vor gerihte, darumbe baten sv´ da vor vns ze ervarne an einer vrteilde, wie sv´ dv´ selben gu^eter, dv´ hien[ach]^b) geschriben stant, dv´ ir eigen waren, gevertigen soltin vnd mohtin der vorgeschribenen der abtischinnen vnd . . dem conue[nt]^b) ze Maggenowe, also das sv´ damitte bewart werin vnd och sicher vnd ane krieg werin. Darumbe vragten wir vr[teild]e^c), vnd wart da erteilet mit gesamnotter vrteilde, das die vorgenanden Heinrich der Rise vnd Heinrich der Kupphers[chmi]t^b) dv´ gu^eter, dv´ hienach geschriben stant, der vorgeschribenen abtischin an des conuentz stat ze Maggenowe mit ir hande[n v]nd^b) mit vnser hant vf gebin soltin vnd sich och der selben gu^eter mit allem rehte, so darzů horet, enzihen s[oltin]^b). V[nd]^b) sint dis dv´ gu^eter, ze Dingenhart der hof, dem man sprichet der Krutzlinger hof, mit allem rehte, so darzů gehoret, z[e]^b) Dingenhart ein schůpos, dv´ heisset . . der Krútzlinger schůpos, dv´ an dem wingarten lit, vnd den wing[art]en^b) ze Dingenhart, dem man sprichet Krútzlinger wingarte. Vnd nach der vrteilde do giengen do dar der vorgenande He[inri]ch^b) der Rise vnd Heinrich der Kupphersmit, als vrteilde gegeben hatte, vnd gaben vf vnd entzigen sich och reht [vnd]^b) redlich an der vorgenanden abtischin hant an des conuentz stat ze Maggenowe mit ir hant vnd mit vnser h[ant]^b) der vorgenanden gu^eter vnd des wingarten mit allem rehte, so darzů gehoret. Sv´ hant och da vor gerihte [gelo]bet^b) fúr sich vnd ir erben mit gůten trúwen, des vorgeschribenen gůtes fur ledig eigen wem zesinne dem vorgesch[ribn]en^b) gotzhuse nach rehte ane alle geuerde. Vnd wan dis ding vor vns vor offenem gerihte so reht vnd so redlich beschehen ist, so haben wir, als vns erteilet wart, disen brief besigelt mit des lantgerihtes insigel. Der brief ist geben ze der Lo^vben an dem vorgenanden tag, do von gottes geburte waren drúzehenhundert jar, drissig jar, darnach in dem andern jare.

Source Fulltext: Chartularium Sangallense VI, Nr. 3487, S. 137.