Allen, die disen gegenwúrtigen brief ansehent alder ho^erent lesen, kúnden wir brůder Hainrich von Homburg komendúr des || huses ze Tobel¹ vnd die brůder alle gemainlich des selben huses sant Johannes ordens des hailigen spitales ze Jerusalem vnd || veriehin offenlich an disem brieue, daz wir durch besserunge vnd durch nutz vnd durch frides willen nach v´nser gůten frún||de vnd ander erber lúte rat lieplich vnd frúntlich v´berain komen sigin aines wehsels mit dem fromen riter hern Eberharten von Eppenstain² vmb v´nser lúte, die hie nach benent sint, mit dem gedinge, als hie nach geschriben stat, also daz wir im reht vnd redelich geben haben Elisabethen der Riserinen tohter vs dem Bůch³, Bertoltes des Ammans vs dem Bůch êliche wirtinne, vnd a^ellv´ irv´ kint, dv´ si ietz hant ald noch von inen iemmer koment vnd geborn werdent, vnd gebin im die selben lúte an disem brieue fúr reht ledig aigen vnd verzihin v´ns dar v´ber fúr v´ns vnd alle v´nser nachkomen gen dem vorgenanten hern Eberharten von Eppenstain vnd gen sinen erbon der selben lúte vnd an ir lip vnd ir gůte aller aigenschaft aller vorderunge aller ansprach alls schirms alls vszugs vnd alls rehts gaischelichs vnd weltlichs gerihts vnd alls v´nsers rehten, da mit der vorgenante wehsel kúnde ald mo^ehte gewent ald gebrochen werden ald da mit wir die vorgenanten lúte kúndin ald mo^ehtin angesprechen, vnd wa^ere, das die selben lúte ieman anspra^eche fúr aigen ald fúr lehen mit weltlichem ald mit gaischelichem geriht, dez so^elin wir vnd v´nser nachkomen sv´ verstan vnd versprechen ane allen ir schaden vnd des ir reht wem sin gen ma^enlichem nach reht, wan och v´ns die selben lúte mit als gůten lúten widerlait sint, vnd vmbe dise vorgenante lút hat v´ns der vorgenante her Eberhart von Eppenstain frilich vnd willeclich geben vnd gefertegot ze rehtem aigen nach der selben v´nser frúnde vnd ander erber lúte rat Elisabethen der Gupherinen tohter von Syrnach⁴, Frikken des Grêwen êliche wirtinne, vnd allv´ div kint, dv´ si ietz hant ald noch von inen koment vnd geborn werdent, vnd habin disen wehsel baidenthalb vollefu^ert mit worten mit geta^eten vnd mit der kraft, so darzv^o ho^ert vnd notdúrftig waz. Dez sint och erber gezúge brůder Walther von Regensperg⁵, her Lútolt der schenk von Landegge⁶ riter, Brůdolf^b) von Fridingen⁷ vnd Armor von Horwen⁸ schulthaisse ze Wile⁹. Vnd ze warem vnd offenne vrkúnde vnd sta^eten vnd êwiger sicherhait aller dirre dinge so habin wir v´nsers huses insigel ze Tobel gehenket an disen brief. Dis beschach ze Wile vnd ist dirre brief geben, do man von Cristes gebúrt zalte drúzehenhundert jar, dar nach in dem drv´ vnd drissigosten jar an^a)

Source Fulltext: Chartularium Sangallense VI, Nr. 3537, S. 180-181.