Wir Herman von gottes vnd des stůles genaden von Rôme bestaetter abbet des gotzhuses ze sant Gallen verjehint || offenlich an disem brief, das wir ze den hailigen gesworn habint ainen gelerten aid mit worten, dc wir die statt ze || Wil, dú v´nsers gotzhus aigen ist, mit enkainen sachen dem vorgedahten gotzhuse niemer súllent emphro^emden noch emphúoren || in kain wise, vnd verjehint ouch bi dem selben aide, dc wir die vorgenanten statt nút versetzet noch verkúmbert habint da her sid dem anvang v´nserr herrschaft. Vnd súllint ouch die selbun statt niemann emphelhen, dem die burger, die ze der statt ho^erent, mit aiden warten súllent, vntz an ainen kúnftigen herren, wan ainem, der des vorgeseiten gotzhuses ist. Vnd swa der selbun v´nserr statt ze Wil burger gevangen oder geno^etet wurdint schaedelich dekainer fúr v´ns oder vnsers gotzhuses gúlte, dú als offenbaer ist vnd redelich, de wir der gúlt nút lougenint oder darumb vf dem land reht ze nemenn versprêchint, den son wir lo^esen an allen schaden. Ouch habin wir in der selbun wise der statt vnd den burgern êllú irú reht vnd gůt gewonhaiten vnd gesetzten bestâêtet, die si von v´nsern vordern hant behebt, mit verschribener verjehenúst oder mit redelicher gelúbde, vnd súllent ouch die burger in der selben statt núwan ainest in dem jar stúr[en n]ah^a) zimelichen vnd gewonlichen dingen. Vnd ze vrkúnde der vorgeseiten dingen vnd gesetzten so henken wir v´nser insigel an disen gegenwúrtigen brief. Der ist geben ze Wil in der vorgeseiten v´nser statt an dem zinstag vor dem balm tag des jares, do man zalt von Kristes gebúrt drúzehen hundert jar, dar nah in dem vier vnd drissegostem jare.

Source Fulltext: Chartularium Sangallense VI, Nr. 3540, S. 183.