Ich Růdolf der Giel von Glatburg¹ tůn kunt allen den, die disen brief an sehent oder ho^erent lesen, fúr mich vnd min || erben, das ich den zehenden, der ze Gebratswille² gelegen ist vnd vsser dem hof gat, der der vrowen von || Maggenowe³ ist vnd den Berschi der Koch buwet, ze rehtem lehen habe vnd min reht lehen ist von dem || gotzhus ze sant Gallen vnd den selben zehenden in nutzlicher gewer habe vnd ich dem conuent des vorgenanten klosters ze Maggenowe den vorgenanten zehenden lihen son vnd gelihen habe iemerme vmb ainen sta^eten zins, vmb ain hůn ia^erklich ze sant Gallen tult ze geben. Ich vergich och fúr mich vnd fúr alle min erben, ob der vorgenant conuent ze Maggenowe mo^ehti erwerben mit kainen dingen an dem vorgenanten gotzhus ze sant Gallen, das dú aigenschaft des vorbenempten zehenden iro werden mo^ehti, alder in versetzen oder verko^vfen weltin, das ich oder min erben sú dar an mit kainen dingen irren son vnd sú dar an fu^vrderren son ân alle geua^ert, vnd sú och des vorgenanten zinses denne sont ledig sin von mir vnd von minen erben. Wa^er och, das der dikbenempt conuent kainú gu^eter me ko^vfti, dú in minen gewalt ka^emen, dú sont in allem dem rehten sin als der zehent, der hie vorbenemt ist. Vnd dar vmb, das dis wâr sie vnd sta^et vnd vest belib, dar vmb henk ich der vorgeschriben Růdolf der Giel fúr mich vnd min erben min insigel an disen brief ze ainem waren vnd sta^eten v´rkúnt aller der ding, so an disem^a) brief geschriben stant. Dirre brief wart geben ze Maggenowe, do man zalt von gottes gebúrt drúzehen hundert jar, dar nach in dem sehs vnd drisgosten jar, an dem na^eehsten dunstag vor sant Michels tag.

Source Fulltext: Chartularium Sangallense VI, Nr. 3629, S. 235.