Wir Hêrman von gotes vnd des stůls gnaden ze Rome besta^eter abt des gotzhuss ze sant Gallen¹ kúndin vnd || vergehen offenlich allen, die disen gegenw|rtigen brief ansehent aldder ho^erent lesen, daz fúr v´ns kam Marquart || wilent hern Marquarts svn von Schellemberg² vnd entzech sich der manschaft vnd der lehenschaft an vnser hant || des wingarten vnd des torggils ze Tegerstain³ vnd waz dar in vnd dar zv^o ho^ert, daz er von vns vnd von vnserm gotzhuss da her ze lehen gehebt hat vnd von im ze lehen och da her gehebt hat Berchtolt der Motze von Kempton⁴, vnd durch des selben Marquarts von Schellemberg bette habin wir den selben wingarten vnd den torggil ze Tegerstain vnd waz dar in vnd dar zv^o ho^ert mit allen rehten vnd gwonhaiten von im vfgnomen vnd gelihen ze rehtem lehen Marquarten von Haymenhouen⁵ vnd V^olrichen dem Heherer an des egnanten Berchtolts Motzen stat, also daz sin vnd siner erbon die selben baide der egnanter gu^eter getrvwe trager sient vnd sin sont, als gewonlich vnd reht ist, vnd ane alle geuerde. Vnd ze warem vnd offenne vrkúnde aller dirre vorgeschribeno dinge henkin wir vnser insigel an disen brief. Der geben ist ze sant Gallen in der stat, do man von gottes ge búrt zalte driuzehenhundert jar, dar nach in dem sechs vnd drissigosten jar, an dem hayligen abent ze pfingsten.

Source Fulltext: Chartularium Sangallense VI, Nr. 3615, S. 226.