Nos^a) V^olr. de Ende prepositus et portinarius monasterii sancti Galli¹ notum fieri volumus presentium inspectoribus ac auditoribus || universis, quod nos recognoscimus et presentibus confitemur honor(abiles) in Christo . . abbatissam et . . conventum sanctimonialium in Rubeo || Monasterio² ordinis Cistersiensium infeodatas nec non tenere ac possidere iure feodi a monasterio sancti Galli medietatem decime || in Wurmlingen³, que pertinet seu annexa est officio portinarie monasterii eiusdem, quam medietatem decime Hainr. dictus Flissing⁴ civis in Rotwil⁵ a nobis et nostro monasterio nomine feodi in antea possidebat. Et eandem medietatem predicte decime prefate . . sanctemoniales et earum successores ab ante dicto monasterio sancti Galli inposterum seu deinceps nomine feodi tenere ac possidere debent hac interposita conditione, quod de eadem medietate sepe dicte decime solvere debent annuatim nomine census nobis et . . nostris in officio portinarie successoribus unum dimidium malterum siliginis mensure in Wurmlingen usualis et consweste^b) in festo beati Galli singulis annis, et illam medietatem iam dicti malteri in ipsa villa Wurmlingen debent nobis vel . . nostris nunciis presentare. Item promittimus pro nobis et . . nostris in portinaria monasterii sancti Galli successoribus sepe dictis sanctimonialibus et earum successoribus utriusque sexus, in omni loco in omni foro warandiam de eadem medietate prenotate decime prestare, secundum quod ius et conswetudo exigunt de feodo warandiam exhiberi. In cuius rei testimonium et robur firmum sigillum nostrum presentibus duximus appendendum. Datum Rotwil, anno domini M°.CCC°.XXXVI°, pridie non. novembris, indicione IIII^a.

Source Fulltext: Chartularium Sangallense VI, Nr. 3635, S. 241.