Allen den, die disen brief sehent lesent oder ho^erent lesen, kúnd vnd vergihe ich Katherina || von Frowenberg¹ her V^olriches sa^eligen von Sax² elichú wirtinne vnd wir V^olrich Stephan, V^olrich || Brantho gebrůder von Sax³, daz wir mit gůten rate vnd mitt gůter vorbetrahtung vnd mitt aller || vnser gesuo^estergit willen vnd gunst vnd mitt vehenknust^a) aller vnser erben die beschaidenun vrowen Elysabethun V^olriches Maralden tohter, dú vnser reht aigen waz, geben haben an daz gotzhus ze sant Gallen dur got vnd dur vnser selan hailes willen, wir haben o^vch die selben Elysabethun dem vorgenempten gotzhus geben fúr ledig vnd vnanspra^echig vnd sollin dar vmb des selben gotzhus reht wem sin nah reht gen aller ma^ellichen^a), wir habin v´ns o^vch můtwilclich verzigen vnd enzigen vns mitt disem brief aller der reht vnd aller der ansprach, die wir hetten an der selben vnd zů der selben Elysabethun von der aigenschaft^b) wegen, die wir vntz her gehept habin an ir, vnd habin gelopt mitt gůten trúwen, daz wir noch kain vnser erb si niemer dar vmb angesprechen bekúmbern noch bekrenken so^ellen mitt worten noch mitt werchen, an gaischelichem noch an weltlichem geriht noch o^vch ân geriht, vnd ist dis alles geschehen reht vnd redelich mitt allen den worten vnd werchen, so dâr zů gehort vnd von reht vnd von gewonhait nott durftig was vnd als es kraft vnd maht haben sol iemer eweclich. Vnd ze ainen^a) waren vrkúnde vnd ze ainer sta^eter sicherhait aller der vor geschriben dinge henken wir die vor benempten vro Katherina von Sax vnd V^olrich Stephan vnd V^olrich Brantho gebrůder von Sax vnserú aigenú insigel an disen brief. Wir V^olrich Eberhat^a) vnd V^olrich Hans⁴ gebrůder von Sax vergehen o^vch offenlich, daz dis alles beschehen ist mitt vnserem gůten willen vnd gunst, vnd verbinden vns dar vmb vnder v´nser vor^c) benempter brůder insigel, won wir aigenr nit enhaben. Dirre brief wart geben ze Sax, do man zalte von gottes gebúrte drúzehenhundert jar vnd darnah in dem sehs vn^a) drissegosten jâr, an der na^ehsten mitwochen nah sant Martis tag.

Source Fulltext: Chartularium Sangallense VI, Nr. 3639, S. 245.