Wir graue Fridrich von Toggenburg¹ vnd grafe Rv^odolf von Werdenberg² veriehin offenlich an disem brief, das wir || vnser lieben o^ehaim vogt V^olrich von Metsche^a)3 vs der geuanknust gewunnen vnd genommen haben von v´nsern o^ehaimen || her Walthern, Christofer vnd Donaten von Rv´tzv´ns⁴ gebru^eder vmb siben hvndert mark silbers, mit der beschai||denhait, das der selbe vogt V^olrich von Metsche swerren sol ainen aide ze dien hailigen, vf den nehsten vffart tag, der nu kvnt, sich wider ze stellen vnd antwúrten in ir vesti ze Rv´tzins an alle geuerde, ob si der des tages gewaltig sind. Wer aber, das si der nv´t gewaltig werend vf den tag, so sol er sich in ain ander ir vesti antwúrten, da si sin aber sicher vnd gewaltig siend^b), an alle geuerde. Wer aber, da vor got si, das er sich dar an v´ber sa^ehe vnd sich nv´t wider antwúrte, als vorgeschriben ist, so hant wir baide ietweder besvnder gesworn ainen aide ze dien hailigen mit vfgehebten handen, das wir dar nach inrent dien nehsten acht tagen Hainrich⁵ ir brůder vnd Rietberg⁶ ir swester man ledig sv´llent lassen vs der gevanknust, dar inne wir sv´ geuangen hant, vnd súllend sv´ sicheren vnd bringen an die stat, das si sicher vnd ledig siend an alle geuerde. Es ist o^vch beredet, wer das die vorgenanten von Rv´tzv´ns dem egenanten vogt V^olrich von Metsche fúrbas tag gebent alle dri gemainlich vnd^c) vnbetwungelich, das mv´gent si wol tv^on, wie dicke vnd wie lang si wend, vnd sont wir die wile alle wege bi dem vorgenanten aide hinder der vorgeschriben gelv´bde vnd buntnv´st sin an alle geuerde, vnd wenne der vorgenant vogt^d) V^olrich von Metsche von der geuanknust aller sache ledig worden ist, so sol er swerren ainen aide ze dien hailigen vruêchte vnd frv´nde ze sin aller der, die an siner geuanknust schuldig sint, vnd vmb die getat sin frv´nde ze frúnd gewinnen an alle geuerde. Dis geschahe entschwischent Fro^edenberg⁷ vnd Maiienuelt⁸ an dem Sande⁹, da ze gegeni warent dis nachgeschriben gezv´ge, der erwirdig herre bischof V^olrich von Chur¹⁰, abt Herman von Phefers¹¹, her Herman von Mvntfort probst ze Chur¹², der edel herre vogt Johans von Metsche¹³, her Andres von Marmolas¹⁴, her Luduwig von Stadgvn¹⁵ ritter vnd ander erber lúte genv^oge. Vnd ze ainem v´rkvnd dir vorgeschriben dingen so hain wir die vorgenanten grafe Fridrich von Tocgenburg vnd grafe Rv^odolf von Werdenberg vnserú ingesigel gehenket an disem^e) briefe. Der geben ist, do man zalte von gottes gebúrte drúzehendvndert^f) jare, dar nach in dem acht vnd drisegosten jar, an dem nehsten svnnentag nach der alten vasenacht.

Source Fulltext: Chartularium Sangallense VI, Nr. 3681, S. 273-274.