Allen, die disen brief sehent oder horent lesen, kv´nden wir swester Elsbet von Spitzen||berg priorin vnd alle der convent von O^etenbach¹, daz vns swester Ite von Bv´ciswile² hat geben || dvr got alles, dc si hat, vnd haben wir acht phvnt angeleit ir phenninge, da von svn wir ir jerlich || gebin ein mv´t kernen, die wil si lebt, ze sant Gallen tvlt, vnd swenne si enist, so sol man den kernen geben den swestern v´ber tisch ze der vorgenanten swester Iten iargezit, vnd dvr liebi, wan si vns lange mit trv´wen gedienet hat, so tv^on wir ir die gnade, de si vf vnser hofstat in Svffivnhvse belibe, die wil si lebt, swenne si vns nit mer dienet. Vnd ze einer sicherheit, de diz war vnd stete belibe, so gebin wir ir disen brief mit v´nsern insigeln. Diz geschach, do man zalte von gottes gebvrt dricehin hvndert vnd acht vnd drisseg jar, an sant Lvcivn abent.

Source Fulltext: Chartularium Sangallense VI, Nr. 3701, S. 290.