Wir . . der amman . . der gesworn rat vnd . . die burger gemainlich der stat ze Lindow¹ kúndin vnd vergehen offenlich allen || den, die disen gegenw|rtigen brief ansehent lesent alder ho^erent, daz der erber ritter her Eglolf von Rosemberg² v´ns vnd || vnser stat warten sol mit siner festi Bernang³ von disem tag, als dirre brief geben ist, die nehsten kúnftigen || sechs jar, als an den offenen sinen besigelten brieuen⁴, die wir von im mit geswornen aiden inne habin, geschriben stat. Nv vindin wir allezit gůta^et vnd gnade an vnserm gnedigen lieben herren dem erwirdigen . . abt des gotzhuss ze sant Gallen⁵, da von habin wir v´ns gên im vnd gen sinem gotzhus gebunden vnd gebindin v´ns des an disem brief, wenne daz beschiht, daz v´ns in den egnanten sechs jarn dv´ vorbenent festi Bernang in wirt, als dike daz beschiht vnd als lange wir sin inne habin, die wile vnd die zit sont dem selben vnserm herren . . dem abt vnd sinem gotzhuss an der selben festi Bernang elliv irv´ reht behalten sin vnd sont die dar an han in allem dem reht, als ob sin her Eglolf von Rosemberg inne hêtte vnd sin erben, ob er enwa^er, vnd súlin och die wile, so wir sin inne habin, da mit wider in vnd wider sin gotzhuss nit sin. Im vnd sinem gotzhuss sol och, die wile wir die selben festi inne habin, dar vff vnd dar ab enhain schade beschehen noch wideruarn. Des vnde alls des an disem brief ist beschaiden ze vrkúnd der warhait vnd sta^eter sicherhait gebin wir im vnd sinem gotzhuse dar vber disen brief mit vnser stat gemainem insigel besigelten. Der geben ist ze Lindow, do man von gots gebúrt zalte driuzehenhundert jar vnd dar nach in dem viertzigosten jar, des nehsten samstags nach sant Othmars tag.

Source Fulltext: Chartularium Sangallense VI, Nr. 3758, S. 339-340.