Allen den, die disen brief an sehent lesent oder ho^erent lesen, kúnd ich V^olrich von Ramswag² ritter vnt^a) || vergich offenlich an disem brief fúr mich vnd fúr alle min erben vnd min nahkomen, daz || ich durch got vnd durch miner sele hail willen reht vnd redlich vˆf geben han vnd gib³ an || disem brief der hailigen frowen sant Verenen ze Maggenowe⁴ Ma^ehthiltun der Sútrinun tohter von Go^vchhusen⁵, dú min reht aigen waz, vnd vergich o^vch offenlich, daz ich vnd min vorgeschiben^b) erben vnd nahkomen der vorbenempten Ma^ehthilten rehter wer sin sont. Ich enzih mich o^vch allez dez rehten, so ich oder min dikbenempten erben oder nahkomen an der dikbenempten Ma^ehth. han mo^ehtint oder so^eltin an weltlichem oder an gaistlichem gerihte. Vnd ze ainer merer sicherhait aller der ding, so hie vor geschriben stant, so gib ich der vorbenempt V^olr. von Ramswag ritter fúr mich vnd fúr alle min erben disen brief besigelt mit minem aigen insigel. Diz beschach vnd wart dirre brief geben an sant Katherinen tag, do man zalt von gotz gebúrt drúzehen hundert jâr, darnach in dem viertzgosten jar.

Source Fulltext: Chartularium Sangallense VI, Nr. 3759, S. 340.