In^a) gottes namen amen. Ich Wilnhelm von Gúttingen¹ vnd ich Cecili² sin elichv´ husfro^vwe vnd ich Diethelm³ ir svn veriehen vnd tu^egen || kvnt fúr v´ns vnd fúr alle v´nser erben allen den, die disen gegenw|rtigen brief sehent oder ho^erent lesen, daz wir enphangen haben || von den gaischlichen herren apt V^olrich vnd dem conuent des closters von Salmanswiler⁴ vierzig phunt phenning gůter vnd ga^eber Costentzer || mv´ns, die wir in v´nsern schinba^eren nutz haben bekert, vnd in dar vmb ze koffen haben gen vnd geben mit disem brief den zehenden des Obernhofs ze Bregenstorf⁵, den ietzo búwet Cv^onrat des kellers svn Johans der Heger, vnd den zehenden des akkers, der da haisset der akker in der Hofwis⁶, mit allen den rehten vnd nútzen, alz wir die selben zehenden vntz her haben gehept, vnd swas dar zů ho^eret, fúr ain reht zinslehen, won wirs o^vch von dem vorgenanten closter von Salmanswiler ze ainem rehten zinslehen vntz her haben gehept⁷. Wir haben och die vorgenanten zehenden vf geben den vorgenanten herren vnd sú in nútzelich wer gesetzet mit worten vnd mit werken, alz des landes gewonhait vntz her ist gewesen. Wir veriehen och, das wir in gelopt haben, der vorgenanten zehenden nah reht wer ze sin an gaischlichem oder an weltlichem geriht, swa sin die vorgenanten herren bedurfent, so wir sin baide oder aine von in wirt ermanet. Vnd das diz war vnd sta^et belibe, so henken wir a^ellv´ v´nserú insigel an disen brief, der geben ist ze Hagenwiler⁸, do man zalt von Cristes gebv´rt drúzehenhvndert jar vnd dar nah in dem ain vnd vierzigosten jar, an dem zinstag nach sant Hylarien tag. Vnd waren hie bi dise erbern gezv´ge her Cv^onrat von Hôf, Cv^onrat der Hůter der goltsmit burger ze Costentz, brůder Hiltprant der grosse keller, brůder Otte der phistermaister, brůder Johans der Hedinger mv´nch ze Salmanswiler vnd ander erber lv´t genůg.

Source Fulltext: Chartularium Sangallense VI, Nr. 3765, S. 343.