Datum per copiam. Decanus ecclesie sancti Petri Argent(inensis)¹ iudex et conservator iurium et privilegiorum honorandorum et religiosorum in Christo virorum . . magistri et fratrum ordinis Theutonicorum Jerosolimitanorum auctoritate sedis apostolice deputatus honorabilibus et discretis viris universis et singulis . . abbatibus . . prepositis . . decanis prioribus . . canonicis . . ecclesiarum rectoribus vicariis archipresbyteris presbyteris necnon sacerdotibus quibuscumque per civitatem et dyocesim Constantiensem constitutis, ad quos presentes pervenerint, et specialiter presbyteris ecclesiarum parrochialium oppidi sancti Galli, in Stůlingen², in Důngen³ et in Rino^vwe⁴ dicte dyocesis salutem et mandatis apostolicis firmiter obedire. Cum Eylsa relicta quondam Bůrkardi dicti Closener civis oppidi sancti Galli memorati necnon Eylsa eius filia coadunatis manibus coram nobis ob suarum et suorum progenitorum remedium animarum irrevocabiliter pure et simpliciter propter deum venerabilibus et religiosis in Christo viris . . commendatori et fratribus dicti ordinis domus Argent(inensis)⁵ pro augmentacione cultus divini in domo eadem perpetuo peragendi donatione facta inter vivos donaverint tradiderint assignaverint et resignaverint pleno iure nomine quo supra omne ius accionem seu acciones impeticiones et requisiciones, quod et que sibi usque in hodiernum diem competebant seu competere poterant modo quovis communiter vel divisim contra universitatem dicti oppidi sancti Galli necnon contra omnes homines sexus utriusque eiusdem et specialiter contra . . magistrum hospitalis ibidem, Johannem dictum Wilderich, Egenolfum dictum Blorrer, Egenolfum^a) ob dem Brunnen, uxorem eius, Werlinum de Zelle maritum Lutkine, dictam die alden Wilderichin, fratrem eius, Johannem dictum Arnolt, Cůninum dictum Minre můmen, Johannem filium Monetarii, Stephanum dictum V^elin, Růlinum dictum von Steine, Růdo^vlfum dictum Bader^b), Cůninum dictum Bader, Rudolfum dictum Spiser, Johannem eius fratrem^c), Hugonem filium Ve^ovlin vf dem tor, Cristianum filium dicti Ve^olin, Johannem dictum Entziswiler, Enderlinum dictum Entziswiler et Gredam filiam dicte Wilderichin, occasione septem ponderum magnorum pannorum lineorum, vulgariter nuncupatorum sieben grosze ballen linwete, apud Venediam6 dicti quondam Bůrkardi defuncti, cui ipse donatrices tam in dictis rebus quam in aliis ab intestato successerunt et succedere debuerunt, dictusque Bůrkardus, qui quondam Cůnino eius fratri predefuncto in rebus omnibus ab eo derelictis tamquam heres proximior successit et succedere debuit ab intestato, nomine depositorum et suorum communiter existencium per dictos reos usurpatorum distractorum detentorum et ad eorum usus proprios conversorum, una cum quadam domo et area iuxta eandem apud ecclesiam sancti Laurencii⁷ in dicto oppido sancti Galli situata cum quadam area vacua tendente usque ad domum Růlini dicti Bader ac etiam redditibus octo modiorum dictis kerne necnon censu certo vini. Item contra . . abbatem et conventum in Rino^vwe⁸ pretextu unius spadonis ipsis donatricibus ablato per eosdem ut dicitur minus iuste. Item contra Heinricum natum Friderici de Erzingen⁹, Eberhardum de V^olingen¹⁰, Johannem de Swandorf¹¹ et Heinr. an dem Reine occasione debiti recongniti per eosdem sex scilicet marcarum argenti necnon contra Beringarium de Landenberg¹² militem occasione centum et duodecim florenorum aureorum de Florentia¹³, necnon omnes et singulas expensas dampna seu interesse, quas et que dicte . . donatrices a tempore dictarum rerum omnium et singularum detentionis inique sustinuerunt seu sustinere poterant modo quovis. Que inquam res et earum valor in processu cause, si opus fuerit, clarius specificabuntur. Petierunt religiosi prenominati sibi super donationibus memoratis nomine quo supra a nobis remedium aliquod adhiberi. Presertim cum res predictas, si extant, vel earum valorem, si non extant, in cultum divinum convertere iidem . . religiosi promiserunt et se astrinxerunt bona fide, vobis et cuilibet vestrum mandamus in virtute sancte obediencie et sub pena excommunicationis, quam monitione canonica premissa presentibus proferimus in rebelies, si non feceritis, quod mandamus, firmiter precipimus et districte, quatinus res omnes et singulos antedictos, prout vobis subsúnt etd) fueritis requisiti, auctoritate nostra immo verius apostolica diligentius moneatis, quos et presentibus nos monemus, ut usque ad festum beate Margarete virginis commendatori et fratribus antedictis de rebus predictis seu valore earum iuxta taxacionem virorum proborum et in huiusmodi rerum valore expertorum una cum expensis atque dampnis per ipsas . . donatrices prout premittitur perpessas satisfaciant cum effectu vel medio tempore doceant coram nobis, cur premissa facere minime teneantur, alioquin personas omnes et singulas súprascriptas, quas extunc in dei nomine excommunicationis vinculo innodamus, excommunicatos extunc vestris subditis, ubi quando et quociens opportunum fuerit, publice nuncietis, uxores et familiam ipsorum a divinis penitus excludatis, et hec continuare tam diu fideliter studeatis, quousque vobis contra universitatem et personas predictas condignam aggravacionis sentenciam videlicet interdicti, prout de iure possumus, dirigamus, nec movere seu terrere habet aut debet animum seu conscienciam vestram bonam, quod originalia conservatorii apostolici dictis . . religiosis ab eadem sede concessi ac subdelegacionis nobis virtute eiusdem facte in sui substancia non ostenduntur, cum copie earumdem sigillis auttenticis sigillate vobis faciant et facere habeant secundum iura de originalibus plenam fidem ut probatur extra de. fi. instru. C. si Script, auct. et in reportis per dominum Jo. an. C. de presumptis, si instrumenta etc. Datum Argentine, sabbato infra octavam festi corporis Christi, anno eiusdem M°.CCC°. XL. primo. Reddite litteras vestris sigillis sigillatas in signum huiusmodi nostri mandati per vos fideliter executi sub pena predicta.

Source Fulltext: Chartularium Sangallense VI, Nr. 3778, S. 353-355.