Allen dien^a), disen gegenwúrtigen brief ansehent odir ho^erent lesen, kúnd ich Lútolt Widiman || búrger ze Wil¹ offenlich an disem^b), das ich bedahtclich vnd mit gůter vorbetrahtung dur miner || sel hail^c) willen vnd miner elichen husvrowen geben hab ain phunt wahses jaerclich ze der || kerzwihi an ain kerzen, die man brennet in der messe ze sant Peters kilchen², so man vnsern herren vf hapt, ab dem akker, der da lit vnd stoset an die wegschaiden, da man gat gegen Túnbrunnen³ vnd gegen Glotten⁴, der min reht aigen ist, vnd dar vmb das dis alles war si vnd staet belibe von mir vnd von allen minen erben nu vnd har nach, dar vmb so henk ich min insigel an disen brief. Der gescriben wart^d) in der stat ze Wil an dem naehsten samstag vor sant Johans tult des tofers in dem^e) iar, do man zalt von Cristes gebúrt drúzehen hundert jar, dar nach in dem ain vnd^f) vierzgestem jare.

Source Fulltext: Chartularium Sangallense VI, Nr. 3779, S. 355.