Ich Ludewick von Brachsperch¹ ritter der júnger tv^on kunt vnd vergih offenlich an disem gagenw|rtigen brieue allen den, die in an sehent oder ho^erent || lesen, daz ich mit gůtem willen mit bedauhtem sinne reht vnd redelich ze allem reht havn zekouffende geben den êrsamen mannen Rv^efen dem vogt || von Svmerowe² gesezzen zem Livpoltz³ vnd Âlbreht⁴ sinem brůder vnd ob si enwa^erint ir beider eirbon minen hove in der Brechun⁵ vmb zehen pfunt pfening || gůter vnd ga^eber Costentzer mv´nse, die si mir darvmb gegeben hant vnd mich ir gaentzlich nah minem willen gewert hant, vnd han in vnd iren eirbon disen vorgenanten hove geben mit allen rehten, nv´tzen vnd geniezzen vnd dartzv^o geho^eret, es sie an wasen, an ztwie^a), an holtz, an velde, an ackern, an wisen, an stegen, an wegen, an wassern staenden oder flietzenden, rúsen oder ba^echen mit allen rehten, nútzen vnd geniessen, fundenen vnd vnfundnen, gesůhten vnd vngesůhten, ob erde vnd vnder erde vnd swie si genant sint vnd als inn húntz vf disen hútigen tag gehept vnd genossen hat vnd an mich braht ist, vnd verzîhe mich hiutzetag mit disem gagenw|rtigen brieue fúr mich vnd fúr alle min eirben aller reht vnd aller ansprauch, die ich oder min eirben ze dem vorbenemten houe vnd ze allem dem vnd dartzv^o geho^eret ie gewan oder her nah immer gewinnen mo^eht, beidiv vff gaischlichem geriht vnd vff weltlichem vnd an allen steitten, vnd sv´len ich vnd alle mîn eirben der vorgenanto gebrůder vnd ir baider eirbon dez vorgeschribenn kouffes reht gewern sîn gein aller maenglich vnd an allen steitten nah lêhens reht. Ich han in och den vorgenanten houe geben fúr ain rehtes lêhen, daz lêhen ist von dem êrwirdigen gothzhûs ze sant Gallen, vnd darvmb sol ich vnd alle mine eirben der vorgenanto gebrůder Ru^efen vnd Albrehtz dez vorgenanten houes vnd allez dez vnd dartzv^o geho^eret getrv´we tragaer sîn beidiv ir vnd iro beider eirben, alle die wîl ich vnd min eirben ins nit geveirtigot han, als reht ist, vnd swenn wir ins geveirtigen, dar nâh sv´len wir ir gewer sin nah reht. Vnd zainem offenn wâren vrkúnde aller dirr vorgeschribner ding gib ich vorgenanter Lud. ritter disen brieue besigelt mit minem aigenn angeheinkten însigel. Dez gezúg sint herr Lud. von Brachsperg⁶ ritter der elter, Ru^edger von Rosenhartz⁷, Súrienstain, Albaer sin brůder⁸, Eberli Moshain, C. der Hússe von Wouelins⁹, Joh. der Bútzer vnd ander êrbaerer lút genůg. Geben ze Wangen¹⁰, do man zalt von Chrystes gebúrt drivtzehen hundert iâr, dar nâh in dem ztwai^a) vnd viertzigosten iâr, ze îngaendem hevwot.

Source Fulltext: Chartularium Sangallense VI, Nr. 3815, S. 380-381.