Allen den, die disen brief sehent oder ho^erent lesen, kúnd ich graf Fridrich von Toggenburg || vnd vergich offenlich an disem brief, daz ich mit bedahtem můt die aigenschaft dez || houes ze Ramsowe, der min reht aigen waz vnd den selben hof Hainrich von Eppenberg von || mir ze rehtem lehen hatte, geben hab reht vnd lideklich swester Annun abtischennen vnd dem conuent gemainlich dez klosters ze Maggenowe mit aller ehafti worten vnd werchen von bêt wegen dez vorbenempten Hainr. von Eppenberg vnd vmb sin gůten dienst, so er mir getân hat vnd noch tůn mag, vnd hab den vorgenanten . . der abtischennen vnd . . dem conuent ze Maggenowe geben vollen gewalt ze tu^en mit dem selben hof alles das, daz inen damit fu^eget ze tu^enne als mit anderm iro aigem gůte. Vnd ze ainem offen v´rkúnt allez dez, so vor geschriben stat, gib ich der vorgenant graf Fridrich von Togge[nb]urg^a) disen brief besigelt mit minem insigel offenlich. Diz geschach vnd wart dirre brief geben, do man von gottes gebúrt zalte drúzehenhundert iar, dar nach in dem drú vnd viertzgosten iare, an der na^ehsten mitwochen vor sant Mathias tag.

Source Fulltext: Chartularium Sangallense VI, Nr. 3837, S. 398-399.